影片
更多
2021-03-02
193 浏览
之前喺铜锣湾返工嘅时候已经成日见到四宝好多人排队，但一直冇入到去食，今次嚟到北角经过见到唔使排队即刻同男朋友入去食，想睇吓呢间平民茶餐厅有咩咁特别入到去𠮶度环境都几舒服位置亦都好宽敞，佢哋个装修比较现代感同干净系我钟意嘅Tiffany Blue啊同埋见到个餐牌比其他茶餐厅选择多啲，多啲唔同类型嘅嘢拣首先我就叫咗个蕃茄浓汤牛肉+炒蛋+（多士可加$8转芝士火腿牛角包）蕃茄浓汤牛肉汤底好浓郁，通粉又唔会太淋分量刚刚好，最重要系个牛肉整得好嫩，冇筋，好惊食啲好鞋𠮶啲牛肉，不错不错！芝士火腿牛角包🥐呢个真系好惊喜，可以睇吓相，佢啲馅料唔算少㗎，牛角包好松化不得不提系最普遍，亦唔系间间整得好嘅炒蛋🍳同埋奶茶🥤佢哋个炒蛋应该加咗鲜奶，又滑又重蛋味，最重要系半熟刚刚好，蛋对我来讲都系主角嚟㗎，仲有杯奶茶，饮一杯真系唔够，杯奶茶茶味又够又滑，出色啊你哋真系要试吓跟住我男朋友就叫咗美式芝士牛肉酱热狗+脆炸薯角，热熔芝士松露吞拿鱼厚多士要重点讲佢呢度啲嘢大部份都系即刻整，所以全部都好松软/松化，唔会好似其他茶餐厅咁上到枱啲包就硬哂，同埋佢呢度真系真系好足料，个热狗条肠仲长过个包，啲肉酱好多但系又唔会好漏，重
入到去𠮶度环境都几舒服位置亦都好宽敞，佢哋个装修比较现代感同干净系我钟意嘅Tiffany Blue啊同埋见到个餐牌比其他茶餐厅选择多啲，多啲唔同类型嘅嘢拣
首先我就叫咗个蕃茄浓汤牛肉+炒蛋+（多士可加$8转芝士火腿牛角包）
蕃茄浓汤牛肉汤底好浓郁，通粉又唔会太淋分量刚刚好，最重要系个牛肉整得好嫩，冇筋，好惊食啲好鞋𠮶啲牛肉，不错不错！
芝士火腿牛角包🥐呢个真系好惊喜，可以睇吓相，佢啲馅料唔算少㗎，牛角包好松化
不得不提系最普遍，亦唔系间间整得好嘅炒蛋🍳同埋奶茶🥤佢哋个炒蛋应该加咗鲜奶，又滑又重蛋味，最重要系半熟刚刚好，蛋对我来讲都系主角嚟㗎，仲有杯奶茶，饮一杯真系唔够，杯奶茶茶味又够又滑，出色啊你哋真系要试吓
跟住我男朋友就叫咗美式芝士牛肉酱热狗+脆炸薯角，热熔芝士松露吞拿鱼厚多士
要重点讲佢呢度啲嘢大部份都系即刻整，所以全部都好松软/松化，唔会好似其他茶餐厅咁上到枱啲包就硬哂，同埋佢呢度真系真系好足料，个热狗条肠仲长过个包，啲肉酱好多但系又唔会好漏，重点系热辣辣，薯角仲系脆卜卜
如果大家钟意食黑松露/芝士一定要点呢个，热熔芝士松露吞拿鱼厚多士，佢哋多士烘到刚刚好，好香脆，厚薄适中 ，分量刚好
总结佢呢度，足料！性价比高！质素高！多选择！
冻奶茶
6 浏览
0 赞好
0 留言
炒蛋
6 浏览
0 赞好
0 留言
热熔芝士松露厚多士
8 浏览
0 赞好
0 留言
张贴
