太平洋咖啡 (已結業)

原本去铜锣湾行街系咗帮公司买圣诞礼物，行完 Franc Franc 见到咁大间 PCC 忍唔住食少少嘢抖下先。因为个气氛实在太悠闲，一坐就三个钟头了，好耐未试过好似读书𠮶阵咁喺 coffee shop 坐成几个钟，如果唔系要赶住买埋啲嘢我应该可以坐到收舖。我哋两个人叫咗两杯嘢饮同三样嘢食﹕一杯 Hazelnut Lattee、一杯 Matcha Lattee，两杯味道都偏淡。薯角外脆内软唔太咸几好食。牛肉批味道 OK ，但好滞，纯粹想怀勉吓当年英国 Host 妈啲拿手菜。南乳鸡翼好有惊喜!! 又脆又 Juice 一啲都唔油腻，跟咗两个酱都好有特式，一个系柚子味沙律酱，一个系香辣酱，食落有少少似豆瓣酱味。呢个要重点推介! =]唯一美中不足系个洗手间好似成日冇人清理，女厕入面啲垃圾筒积到满，其他都无得弹。