影片
更多
2018-05-23
1748 浏览
今日一班识食既朋友约我食饭话要食好西, 一向食饭都系我揸旗,今次话要食烧肉,我谂黎谂去,香港地食日式烧肉既地方唔少,但一系好贵, 一系就质素麻麻,上网揾到呢间野新开无耐,见个餐牌价位都可以,于是几条食肉兽就去试试。我地四个人叫左两个set share再加小小散叫野食。一开始先黎一杯似酒非酒既桃味饮品,饮落甜甜地,有酒香但唔浓,清新既感觉为烧肉打开序幕(个杯好鬼靓)跟手系刺身,好新鲜虾好爽甜,重点系个中拖罗,咬落去系爽口弹下弹下,跟住慢慢向你个口度溶化,我要强调一点,佢爽但佢一D筋都无,呢个好好食我一次过介绍两样野, 前面有冷盘有萤光鱿鱼,抹茶冷冻仲有三文鱼,呢几样好普通,但后面个壶野就不得了,佢其实系牛肉汤,劲好饮,好清甜,饮落去好舒服,你会唔舍得吞,因为其实壶野唔多,俾多壶我都饮得晒纸火锅卖相好靓,汤有靓蟹脚同蚬唔甜就有鬼, 个蟹脚好实净好好食, 蚬十分肥美散叫的伊势龙虾刺身,我去过日本好多次,好小见到餐厅有伊势龙虾,可能出晒口, 今次见到有仲唔即叫,价钱都好似系$3xx, 但好可惜,自己唔争气,一食生虾就有过敏反应,食左一啖想再食就已经不行了,即时被班友仔在风扫落叶式食晒,我真系好
我地四个人叫左两个set share再加小小散叫野食。
一开始先黎一杯似酒非酒既桃味饮品,饮落甜甜地,有酒香但唔浓,清新既感觉为烧肉打开序幕(个杯好鬼靓)
跟手系刺身,好新鲜虾好爽甜,重点系个中拖罗,咬落去系爽口弹下弹下,跟住慢慢向你个口度溶化,我要强调一点,佢爽但佢一D筋都无,呢个好好食
我一次过介绍两样野, 前面有冷盘有萤光鱿鱼,抹茶冷冻仲有三文鱼,呢几样好普通,但后面个壶野就不得了,佢其实系牛肉汤,劲好饮,好清甜,饮落去好舒服,你会唔舍得吞,因为其实壶野唔多,俾多壶我都饮得晒
纸火锅卖相好靓,汤有靓蟹脚同蚬唔甜就有鬼, 个蟹脚好实净好好食, 蚬十分肥美
散叫的伊势龙虾刺身,我去过日本好多次,好小见到餐厅有伊势龙虾,可能出晒口, 今次见到有仲唔即叫,价钱都好似系$3xx, 但好可惜,自己唔争气,一食生虾就有过敏反应,食左一啖想再食就已经不行了,即时被班友仔在风扫落叶式食晒,我真系好可怜
准备主角出场就有酱汁去点点,呢个真系好特别,餐厅将酱油同盬分别打成泡,当热既肉放上去时个泡会慢慢溶,味就入左肉里面,好特别
主角出场…呢个系其中一个set 入面既八款牛,我唔想写太多字,讲多无谓,牛好多人都食唔小,睇样就知正唔正
散叫之二,牛魔王,楼上个D点会够,呢牛柳,我食3成熟,好味到癫,我无点酱油或盬黎食,都系个句, 靓野其实咩都唔点最好食
到尾声黎个芝士火锅惊死你唔够饱,呢个同一般意式或者瑞士的好大分别,第一佢无酒,第二佢比较cream, 食落味唔系好浓,上台时个个都话仲点食得落,结果系食晒,煲底都食埋
题外话/补充资料：
其实个set 唔只咁小野..不过太忙住食无影晒所有相
(以上食记乃用户个人意见 , 并不代表OpenRice之观点。)
张贴
