薄餅怪獸

营业中

休息中

新蒲岗原来系有好野食，呢间薄饼怪兽真系好有劲，内里装修有型有格之余，食物质素都好好！今次我地两个人点左一个意粉、一个细pizza、一个猪手同埋饮品，又系棒住个肚走啦！好味！白汁海鲜焗阔条面白汁浓浓，挂得到在阔条面度，份量适中，唔会太大食唔哂，又唔会太细唔够食！千岛海鲜薄饼呢个推介呀，我地叫左个细既，薄饼料好丰富，芝士浓厚，薄饼底真系不得了，厚薄刚好！唔会过粉，同埋亦焗得岩岩好！千岛酱都好搭呢！正！二人份量正好！黑椒无骨猪手拼香草肠呢个又系推介！无骨猪手焗得岩岩好，肉质口感易咬口，唔会好多筋及渣，猪手份量十足，对得住个价钱！又易切开，同埋带有肉汁，连皮食，脂肪加肉一齐入口好夹，香草肠都唔错，不过猪手已经好强了！推介！