日熹樓 (已結業)

话说定期每隔三几个月，我都会揾班旧同事食饭，不过今次已经系讲紧隔左半年都有，先搞到今次嘅饭局，其中一位老细就提议湾仔日熹楼，系上海，京府菜而话晒大家返工都喺港岛区，拣番湾仔都方便一点。上openrice睇睇，原来有得网上book枱，二话不说我就争住做呢样野，(可以储积分)6:45pm左右，我就已经到步，起初以为喺后街，点知行行下就见到幢大厦，搭lift上4楼就到，都唔算难揾上到去，大概因为时间尚早，只有一枱客 (都10几人)，见环境都唔错，几宁静舒服，店员安排座位后就坐低，茶就叫左菊花同香片转个头，大家都已经陆续到达，就谂下食乜，(一致认为交比提议去呢间餐厅嘅个位老细去决定)一口气叫左好多款菜式，当中我最钟意有几款，熏蛋做得好出色，流心蛋嘅形态，上面有少少蟹子或虾子，好别致，食落亦好有烟熏过嘅味道生煎包系另一样我嘅喜爱，最紧要系够热，事实的确系，碟生煎包 有枝旗仔写住"小心烫口"，温馨提示值得一赞另外，店员将醉乳鸽放上枱个一下，有一下惊讶，见佢砌得好靓，将乳鸽肉整到好似羽毛咁样好仔细，利害 !最后都叫左甜品，杏仁露食得出系自己磨嘅，而非买番黎沟下水咁，杏仁味几浓整体而言食物不错，但每碟