太湖海鮮城 (已結業)

相约好耐冇见既旧同学，又唔知食乜好，其中一位同学话去食中餐，咁就去左太湖啦！讲真，平时出去食饭，多数日、韩、泰，好少拣中餐，就系太耐冇食，所以都有少少期待，因为同学话唔错㖞。首先黎个并盆，有烤鳝、烧猪颈肉，仲有羊架添。我最like个烤鳝，肉嫩又林，个烤汁又好味，有炭烧既感觉，猪颈肉都唔差，烧到个边好香又冇乜肥膏，至于羊架我一向少食，不过呢个我食左1小旧，好林好多汁，而且冇膻味。呢个唔知咩名堂，下面系茄子，上面系带子，用豉汁蒸，再加1d蟹子增加鲜味同装饰下，味道就系清清地咁冇乜特别噜。呢碟卖相好差，系鲜腐竹煮茍纪菜，老老实实，起码10年冇食过茍纪菜，所以觉得几好味，有种苦苦涩涩既味，好回味啊！不过上碟衰相d啫 wakaka 其实仲有蒸蛏子架，不过唔记得影相，蛏子好新鲜好甜，又多肉，加埋d蒜蓉粉丝好味到晕。最后送左几碗糖水，南瓜露同海底椰乜乜，我觉得好麻麻，2款都吸引唔到我，味道有d怪，特别系海底椰果碗好似沟左d油落去咁。好彩都仲有碟蛋散，我觉得好脆，连埋d椰丝糖仲香口，佢系似平时食粥加入去既脆脆质地，同我平时食既蛋散质地好唔同，好中意呢个蛋散 xddd