尚素 (已結業)

约左旧朋友食饭，朋友系食素之人。佢提议去呢间新开既素食店。尚素位于一观塘工业区新型大厦，门店好靓好光鲜，拍得住大型商场。店内好光猛舒适，装修细腻。仲有两间房，有得包厅聚餐添。一坐低就见到有promotion，新开张每位都送《羊肚菌炖汤》，正。Menu上面有唔少选择，无谂过素食都会有甘多款式。《一品羊肚菌炖汤》热辣辣，原盎上，一打开已经好香。睇下里面，好足料，同图片相符。入口好香浓，素汤虽然无肉类但有鲜味。《凉拌海蜇》海蜇成日食，素海蜇你食过未？入口好滑，口感好爽，配青瓜一流。酱汁微辣，味道好清新。每条海蜇上面有细切纹，好有诚意，均匀沾上酱汁。问一问店员，到底素海蜇系用咩材料，原来系蒟蒻！《重庆龙口粉丝》呢道菜非常精彩。粉丝好幼滑，火候岩岩好，好烟韧。粉丝上面辅满碎菇，增加口感。味道方面，系正宗川菜既香，配喉咙涌上既辣。十分惹味！《一品罗汉斋》呢个好足料，有西兰花、雪耳、木耳、云耳、栗米仔、甘荀仔、香菇、花菇、磨菇、羊肚菌等等。茨汁杰杰地，好香浓。我个人对斋菜无咩研究，朋友仔就话好好食。《X.O.牛肝菌翠肉瓜煲》呢个意外地系重口味野。甘多菇菇，到底牛肝菌系咩黎架呢？原来佢既质地滑滑地，有