Amour Green (已結業)

今日同老婆一家人去食饭，家姐订左台食旺角西餐。极来都无咩好感，一向唔钟意食mk野，点知竟然有惊喜。第一个惊喜，店内有pokestop，仲长期有樱花，可以方便我捉精灵。第二个惊喜，店内装饰颇有格调，一d都唔迫唔嘈，仲有得包场添！第三个惊喜当然系食物啦！我地一行5人，叫左四个主菜（两个二人餐）同两个小食。两个二人餐抵赞，有齐餐汤、沙津、头盘、主菜、甜品，一d都唔hea。头盘一set有三款，各有特式。最钟意系鹅脾多士，鹅脾好肥美，火候刚好，外脆内软，口感好正。《烧牛柳》牛肉好新鲜，质素高，唔系低级既牛肉。牛肉有好浓牛味，有咬口，肥瘦刚好。火候方面，就扣左少少分，5成熟未够准绳，生左少少。《黑松露意大利饭》呢份主菜好足料，见得到大大份黑松露，并唔系用黑松露油代替。意大利饭好有诚意，好用心煮，几乎每一粒既生熟程度都一样，全部都好均匀甘沾满忌廉汁，十分抵赞。意大利饭火候刚好，烟烟韧轫，好好口感。味道方便，本身酱汁味道已经好浓厚，加上黑松露就提升多一个层次！《芝士焗牛肝菇》大大只牛肝菇上面铺满香浓芝士，配少少烟肉同香草，好诱惑！芝士味道好香浓，香草吊味令到芝士味道更突出。加入烟肉，又会有多一种口感。