影片
更多
2022-12-27
379 浏览
为咗佢第一次写食评，因为真系嬲到震，唔想大家中伏😅原本Boxing Day加纪念日同老婆去完街谂住食埋个甜品就圆满，见佢转咗手都未食过又坐满人就谂住入去试下，不过其实都饱谂住叫一个share，但佢话今日特别日子要每人叫一份，咁都明白嘅，所以一个叫咗有👍🏼(推介)嘅金银满屋配曲奇雪糕，另一个叫咗份同样有👍🏼(推介)嘅士多啤梨窝夫配曲奇雪糕。先黎嘅系金银满屋，其实系芒果小丸子加雪糕，难得嘅系成碗野都无味，西米同小丸子原本无咩味都正常，芒果汁都无味，就连个雪糕都可以无味，争啲惊自己中咗招无咗味觉，成碗野水煮咁，只系将唔同嘅野放落同一只碗就算，难食到喊，仲要卖成50蚊，真系估唔到咁common嘅野都可以伏成咁😐跟住心情插水对个窝夫都无咩期待，果然无咩特别唔难食已经系bonus，不过个雪糕依然系无咩，我同老婆都好想知系咩牌子嘅雪糕可以淡到咁🫠 最后死死气食完俾钱走，一句拜拜都唔想同收银讲，自问我俩食野唔算讲究，可以驱使我写食评真系唔简单，事后睇返有人喺食评写过呢间系大角咀最难食嘅甜品，真系实至名归🙄
为咗佢第一次写食评，因为真系嬲到震，唔想大家中伏😅
原本Boxing Day加纪念日同老婆去完街谂住食埋个甜品就圆满，见佢转咗手都未食过又坐满人就谂住入去试下，不过其实都饱谂住叫一个share，但佢话今日特别日子要每人叫一份，咁都明白嘅，所以一个叫咗有👍🏼(推介)嘅金银满屋配曲奇雪糕，另一个叫咗份同样有👍🏼(推介)嘅士多啤梨窝夫配曲奇雪糕。
先黎嘅系金银满屋，其实系芒果小丸子加雪糕，难得嘅系成碗野都无味，西米同小丸子原本无咩味都正常，芒果汁都无味，就连个雪糕都可以无味，争啲惊自己中咗招无咗味觉，成碗野水煮咁，只系将唔同嘅野放落同一只碗就算，难食到喊，仲要卖成50蚊，真系估唔到咁common嘅野都可以伏成咁😐
跟住心情插水对个窝夫都无咩期待，果然无咩特别唔难食已经系bonus，不过个雪糕依然系无咩，我同老婆都好想知系咩牌子嘅雪糕可以淡到咁🫠
最后死死气食完俾钱走，一句拜拜都唔想同收银讲，自问我俩食野唔算讲究，可以驱使我写食评真系唔简单，事后睇返有人喺食评写过呢间系大角咀最难食嘅甜品，真系实至名归🙄
张贴
