榴蓮王 (已結業)

同朋友系旺角食饱晚饭，意犹未尽，好想再食埋个甜品，就揾到油麻地庙街呢边有间好特别的榴梿王甜品店，对于好钟意食榴梿的我当然好有吸引力啦，二话不说就同朋友行过黎食，原来就系油麻地地铁站C出口出面。夜晚已经少人，但远处见到的招牌都已经十分当眼，做外卖生意多，都有几张台凳可以坐低食。老板好友善地介绍我地可以试下榴梿芝士冻饼同猫山王榴梿卷，就试下咁有特式的榴梿甜品啦。榴梿芝士冻饼，$42,芝士滑溜到不得了，入口即溶，食落去透心凉，榴梿蓉系用D24榴梿制成的，香浓鲜甜，夹埋芝士食好夹味道必试的猫山王榴梿卷，$58/2卷，猫山王蓉多到成个卷都系，班㦸皮薄，烟韧，每食一啖都充满猫山王的香味，味道比D24更加重，更加香浓，是十分有诚意之作。