悠蔬食 (渣甸中心) (已結業)

难得五一劳动节放假，朝早同阿妈去咗睇早场，跟住阿妈话想去食悠蔬食（其实佢讲咗几次，不过最近都冇去食）于是就搭车出铜锣湾去食。出到去12点几，红日冇book位好彩都有位。今次坐咗喺入面房仔𠮶边嘅两人位，感觉被坐喺出面更加舒服，更加有私人空间。叫咗两个lunch set，一个系日式拿破仑扁意粉配溏心蛋，一个系葡汁蔬菜白玉焗饭（嗱我都话我好钟意食焗饭㗎啦）。唔记得咗影餐牌唔记得咗啲名，汤就大家都叫咗西式嘅汤系苹果甘笋唔知乜乜忌廉汤，仲有个前菜系沙律，嘢饮就普通咁叫咗咖啡。加咗甜品，一个春季铜锣湾分店限定嘅赤苺红莲，一个伯爵红茶千层班戟。汤同沙律好快就到啦，佢个汤好好味，好浓好creamy，其实份量都唔少，超钟意！跟住到主菜，意粉先到，卖相几好，溏心蛋都真系溏心 texture ，啲意粉有啲咬口几好食，味道 ok 不过就冇乜特别，配料又唔多。个焗饭迟过意粉少少黎，见到已经好吸引，焗到热辣辣个面脆脆地咁！食落去都令人惊喜，味道就葡汁咁嘅味啦，惊喜嘅系个旧「白玉」，原来系素鸡肉，味道几好，仲要？炸过定煎过，脆脆地又唔油腻，真系好好！其实食完主菜都已经好饱（其实次次黎亲都系好饱），不过啲甜品咁吸引都