笑匠歡宴坊

营业中

休息中

入黎十次都唔知会唔会开一次嘅笑匠，今日居然开门，当然要衬天气凉爽去试一试，唔系都唔知几时有机会再食到。餐牌多咗啲东南亚口味嘅菜式。菠萝肉松海鲜炒饭 黄色系星州炒米个只咖哩味，放落炒饭度都几特别。虾肉大大只同唔霉，抵赞。炒饭上嘅提子干同菠萝都令到个炒饭冇咁单调，系炒饭有少少唔够干身，不过唔知系咪都系特色黎。柚子大虾及鱿鱼沙律 虾同鱿鱼新鲜爽口，好适合做沙律。成个沙律冰冰凉凉又酸酸甜甜，夏天做开胃菜一流。特别想赞沙律外嘅脆皮，香之余又脆口。不过个沙律有辣椒，唔食得辣嘅就可能唔系咁岩食喇。员工好有礼貌好nice，希望笑匠之后会开多啲，俾多个选择入park嘅客人拣啦。