日日香鵝肉飯店 (威靈頓街)

营业中

休息中

香港有好多卤水鹅专卖店，但系大部分都系外卖店，好少有得坐喺度食，所以见到中环准备开依间店，我都期待咗好耐。皇牌饭，招牌就紧系咩都有，一次过满足哂所有愿望。鹅片嫩滑，皮有油香；鹅肠爽嫩，而且够入味；蛋弹牙又香浓；鹅肝最好味，入面即化。我中意佢会加埋咸酸菜比你，够哂开胃。另外再点咗少少小食，墨鱼非常弹牙，唔会稔，配上酱汁，一片一片咁食。大肠清得够干净，冇异味又卤得入味，唔会太肥太腻，而且有口感。同一般嘅卤水店一样，有额外嘅汁可以加，仲有醋可以点，卤汁香醇。以中环嚟讲个价钱都叫合理，味道又唔差，经开个头食饭一流。