太爺雞 (已結業)

星期五我又迟收工，肚又饿，贴心老公就过黎观塘揾我食晚饭，之后一齐接乖囡囡返屋企。细个时，唔太钟意食梅菜扣肉，不过人大个，口味转变左，变得越黎越钟意食。梅菜扣肉看似平实，不过其实要整系相当考功夫！ 呢间整得好出色！五花腩油脂分布刚好，不会太干柴，不会太油腻，煮得好入味，肉质松化，入口即溶，口感QQ 软糯 ，配梅菜食相当香甜，一口肉一口梅菜一口饭，绝配！眨下眼食碗饭食哂。 黎太爷鸡食饭，无理由唔点太爷鸡。鸡皮色水好靓，好有光泽，而鸡肉好滑，唔错！ 太爷猪手不得了，凉浸浸上碟，汁料蒜味爆浓，花椒味香，带酸带辣，好开胃的一道小食！再者猪手皮爽口弹牙，筋位Q弹，老公食到停唔到口，争D冇得食。hahahaha!最后重头戏，点左12头南非干鲍扣鹅掌海参开心下。 海参爽脆有营养，鹅掌腍滑入味，鲍鱼都算好大只，YUMMY YUMMY。