Artisan Lounge by LUBUDS

营业中

休息中

周日同太太去附近名店购物之后，店员介绍我到呢间见过好多次，但冇入过去嘅餐厅试吓。名店店员大力推介焗猪扒饭，我太太一向都好钟意食焗猪扒饭。我就预咗佢食唔晒，所以我唔敢叫太大份嘅嘢，结果叫咗个手工 bolognese 和牛阔条面，预咗要帮老婆执手尾。结果两样都有惊喜：好多年冇食过好食嘅肉酱，之前喺The One 食过一间好食嘅，但系可惜已经执咗。我仲以为要去返意大利先食得返。至于老婆个焗猪扒饭，结果真系食唔晒，我食完个阔条面居然都仲可以帮佢扫埋；最重要系，其实我不嬲都唔钟意食焗猪扒饭，因为又鞋又干，呢间餐厅个厨师，唔知佢用咗啲乜嘢魔法，可以令到块猪扒外脆但里面软熟，唔肥，又好有猪味，死就死返到屋企预咗要返去跑步烧返食多咗嘅。每人加多一杯Cocktail，都系七百几蚊落楼，七百几蚊可能一般舖头嚟讲系贵，但系食肆价钱我觉得系可以同食物质素挂勾嘅，呢间餐厅嘅食物绝对对得起呢个价钱。迟啲一定要再嚟过帮衬支持下