泰潮 (嘉咸街) (已結業)

今日探朋友行过嘉咸街一路落斜，无意间行过路过发现中环新大陆！进驻中环横街唔算显眼。入咗店内点了几度菜式，今次没有点米芝莲海南鸡，点了其小见的款式。泰式卤水猪髀饭猪髀饭跟配卤水蛋半只、卤大肠（入味入口唔觉肥腻）、泰式咸菜（咸度适中唔会过份死咸仍有菜味）猪髀睇落有点肥（但煮得入口即溶没有肥腻感觉，食吓食晒好伴饭））跟配泰式鸡汤（感觉有胡椒香味但唔辣口）唐人街粿汁系一些猪肠猪肚咁，清汤底，白色的半卷状粉（质感比较爽而滑有米香），我几喜欢食这款粉的质地配汤一齐食好正。青木瓜沙律沙律不过不失，如以价格计 份量可能可以多返少少。右下角白色的就系棵汁入面的粉这餐食得简单，但又觉得特别，希望唐人街棵汁能在下次光临时（可能会爆场）也能保持美味。