九州鯛魚 (已結業)

前日系西湾河补完习之后，就同朋友一齐谂住去太安楼食下啲嘢。点知经过附近见到呢一间新开嘅餐厅，所以就入咗去食啦！𠮶日我哋大概8:00去到，两个人每人嗌左一个定食，仲加咗一份小食，价钱都系大概$100一位，个人认为呢种质素同埋环境服务都已经好抵食！首先讲吓呢个十和川牛肉饭定食，唔使$100就食到佢枱而上咁多嘢，真系好抵食！沙律菜非常新鲜，上面配左啲芝麻酱。温泉蛋水准中上，沙律薯蓉好好食，唔会太流，而佢仲配左一碗鲷鱼鱼汤添！黄牛份量非常之多，味道同吉野家食到𠮶啲餐好远，唔会太咸。我朋友嗌咗呢一个吉列海老乌冬，净系讲佢吉列虾嘅摆盘，已经加晒分！食落去啲虾肉好新鲜，而且好弹牙，啲炸粉亦都唔会好油、好厚身。乌冬嘅汤底亦都系用鲷鱼鱼汤熬制而成嘅，朋友觉得可能有啲腥，但我饮落去就觉得非常之好饮，相信呢啲口味都系因人而异嘅！最后呢个蟹肉忌廉薯饼价钱偏贵，但系质素唔差！蟹肉同薯饼嘅比例啱啱好，而炸粉亦都唔会好厚身。