財記海鮮火鍋活魚刺身

营业中

休息中

虽然已经进入炎夏，但无损我地打边炉嘅雅兴，今次拣左间可以食埋刺身嘅火锅店。入到去环境好光猛，仲有电视睇，可以同朋友边食边讨论。前菜有碟酸青瓜，平心而论系腌得几好，酸度刚刚好。刺身方面我地叫左几样试试，点知真系几好味㖞，好新鲜，作为一间海鲜火锅店，刺身有咁嘅质素好难得。三文鱼腩刺身好肥厚，帆立贝刺身都好正！而海胆就试左半板，夹住四洲紫菜食，可以解腻。值得一提系个wasabi都好好味。除左刺身仲试左盐烧鲍鱼，建议用较剪剪开食比较方便，都烧得几好食，叫黎试下都无坏，大家虽然攰但都食得好开心满意！然后到火锅出场，我地叫左鸳鸯锅，清汤同沙爹。叫左手切肥牛，个牛肉靓就唔洗讲，最重要系友人渌得好有水准！流沙芝士狮子狗一碟份量都好大，3个人食都食唔哂，有别于平时食开嘅芝心狮子狗，呢个芝士系酿入中间个窿，一咬超浓芝士味，食得多会漏。猪红同墨鱼滑无好浓嘅味精味，取而代之系一种清新健康嘅感觉。最后食埋稻庭乌冬，好幼好滑，食完好满足。