Pom's Kitchen & Deli (已搬遷) 新店位置

讲起德国，大家第一时间会谂起咩？我呢个为食鬼就谂起啤酒同埋肉肠，真系谂起都流口水。本来想放工去间德国餐厅食餐劲，点 知我有个同事话想食意大利野，我又醒起屋企附近有间餐厅可以满足我地两个愿望，所以就带佢黎咗呢到。同事一入到餐厅，就比隔离枱个南瓜三文鱼意大利饭吸引咗，佢话好少见，而且南瓜感觉好健康，所以就叫咗嚟食。其实我个人一向唔太钟意食意大利饭，因为觉得啲饭好硬，但呢间餐厅就迎合咗香港人嘅口味，饭既软硬度我觉得适中，连食开意大利野既呢位同事都话好食；重点系，饭入面既南瓜同三文鱼都系大大粒的，绝对无偷鸡，味道真系唔错，赞。而我当然系为咗德国肠并盘而来，并盘上有数款肉肠，啖淡肉送啤感觉一流。另外我地仲叫咗个白酒煮蚬，唔系讲笑，呢个蚬汤真系正，而且啲蚬都算大只，加埋一块块蒜，味道可口，如果啲汤可以用来点面包食，都咪话唔正。