灜鐵板燒

营业中

休息中

今年生日，男朋友特登book咗间日本铁板烧同我庆祝！一听到已经劲开心🥳因为我真系劲钟意食铁板烧。去到嘅时候先发觉原来间餐厅系劲高级。装修超靓，超日式！而且厨师会喺我哋嘅面前即场煮俾我哋食，感觉就好似去咗日本咁。超开心🥳黄金海虎虾🦐🦐- 虎虾非常新鲜，厨师好有心机咁将虾切开，再放入大量嘅咸蛋黄，令到食每一啖虾都比咸蛋黄包住，就连虾头都一样。非常滋味！呢个真系冇得输！😍日本银杏🐠🐠- 呢个系厨师推介一定要试嘅美食。银杏比好多盐同锡纸包住拎去烧。有少少似盐焗嘅效果，但因有壳包住嘅关系。味道唔算好咸，但完全食得出银杏嘅鲜味！呢个又系好正！海鳗干🍱🍱- 呢个烧到好香口，外皮烧到少少脆。而且又好有浓郁嘅鱼味。食落口都几惹味，口感唔算好硬，都有少少𡁻口。比较似系下酒菜。味道真系唔错！今个生日真系超满足，男朋友已经讲定佢生日都会黎食😉