影片
更多
2016-09-29
385 浏览
向来喜欢食日本菜嘅我，却从来未食过Omakase，所以一位识饮识食嘅朋友，今晚专程带我嚟到呢间日本餐厅，享受一顿难忘嘅Omakase。Omakase最开心嘅系，可以同厨师近距离接触同交流，体会厨师为自己精心制作食物。由于用餐过程中，厨师会慢慢咁准备每款食物，当我食完一款先再准备呈上另一款，事前我亦完全唔知佢会整d咩，所有成餐晚饭都系充满期待！结果，厨师今晚用心整左八款刺身、两款热食、六款寿司、最后仲有大蚬面豉汤同埋日本哈密瓜，可谓大满足！厨师用心的样子都几吸引鲛鲽鱼，薄切令肉质较爽口，味道鲜甜！鲜带子，一开为二嘅带子非常厚身，合共有三件（我估系一只半带子），食入口有少少海水嘅咸味，超新鲜！厚岸生蚝，又大颗又够饱满，单睇未食就已经觉得过瘾，加少少柠檬汁一齐食，甘甜鲜味十足！深海池鱼，鱼味浓郁，但无鱼腥味，带小小微甜！油甘鱼，厚切，令肉质更爽囗。太刀鱼，由于鱼皮被轻轻火炙过，所以皮脆肉爽，非常有口感！鲣鱼，大部份听到鲣鱼都系用嚟肴鲣鱼汤，但今次难得试刺身，感觉完全唔同。肉质厚身，鱼味重，配合蒜蓉同豉油轻腌过，味道浓郁，有别于其他刺身嘅味道。吞拿鱼腩，鱼油香，肥美肉厚。豚肉烧，酱汁浓得黎带少
Omakase最开心嘅系，可以同厨师近距离接触同交流，体会厨师为自己精心制作食物。由于用餐过程中，厨师会慢慢咁准备每款食物，当我食完一款先再准备呈上另一款，事前我亦完全唔知佢会整d咩，所有成餐晚饭都系充满期待！
结果，厨师今晚用心整左八款刺身、两款热食、六款寿司、最后仲有大蚬面豉汤同埋日本哈密瓜，可谓大满足！
厨师用心的样子都几吸引
鲛鲽鱼，薄切令肉质较爽口，味道鲜甜！
鲜带子，一开为二嘅带子非常厚身，合共有三件（我估系一只半带子），食入口有少少海水嘅咸味，超新鲜！
厚岸生蚝，又大颗又够饱满，单睇未食就已经觉得过瘾，加少少柠檬汁一齐食，甘甜鲜味十足！
深海池鱼，鱼味浓郁，但无鱼腥味，带小小微甜！
油甘鱼，厚切，令肉质更爽囗。
太刀鱼，由于鱼皮被轻轻火炙过，所以皮脆肉爽，非常有口感！
鲣鱼，大部份听到鲣鱼都系用嚟肴鲣鱼汤，但今次难得试刺身，感觉完全唔同。肉质厚身，鱼味重，配合蒜蓉同豉油轻腌过，味道浓郁，有别于其他刺身嘅味道。
吞拿鱼腩，鱼油香，肥美肉厚。
豚肉烧，酱汁浓得黎带少少甜味，而豚肉其实就系猪腩肉，所以有肥膏，入口即溶，但瘦嘅肉就有d韧，算不过不失。
白贝汁烧，淡淡嘅酱汁配合蚬肉，鲜味无比。
食完热食，厨师又准备整寿司啦！但由于我同厨师讲过，我唔想食太多鱼生，所以厨师之后准备嘅寿司都好细心咁帮我用火枪轻轻火炙，太感动了！
牡丹虾寿司，只虾超大只，虾味鲜甜。
平政鱼寿司，鱼嘅油脂非常充足，入口即溶，鱼油一直留喺囗内一段时间。
秋刀鱼寿司，个人唔系太钟意食秋刀鱼，因为怕腥，不过呢款秋刀鱼无咩鱼腥味，都算0k。
吞拿鱼寿司，因为火炙过，所以食起嚟唔会太油腻。
鸟贝寿司，鲜甜爽口，带海水咸味。
海胆寿司，海胆嘅份量非常多，而且够新鲜，充满海水嘅咸味，食完口腔有一点回甘，太正了！
蚬面豉汤，蚬嘅size非常大，鲜味完全融入面豉汤内，味道更丰富。
日本哈蜜瓜，呢款生果绝对系我嘅至爱，瓜嘅甜度及成熟度岩岩好，水份充足，食完为今晚晚餐划上完美句号。今晚实在一试难忘！
张贴
