陳根記 (已搬遷) 新店位置

从马来西亚嚟香港的表妹想一尝香港风味，我当然要带她到香港特色的大排档。要把握机会一尝风味的当然是陈根记。我系呢个星期五晚6点钟嚟到先可以有位，大家就明白而家品尝风味有几爆。餐牌仍然无变，都系一贯大排档式的款式。而且价钱真的很合理，唔知道第二时搬咗去石门入舖，仲有冇咁嘅价钱。嚟到已经有好多野要留定，基本上唔留都可以讲系无~ 特别以下呢只烧鹅~ 虽然我影得几有光泽，但系都真系唔够热，皮不算太脆，但真的很嫩。令我写呢篇食评嘅原因，梗系因为呢碟令我难以忘怀的WASABI蟹籽手撕鸡啦~  卖相已经好抢眼，入口嘅WASABI味少少攻鼻，但又唔会辣到流眼水，滑嫩的鸡丝加上蟹籽增加口感，唔系十几个人嘅话，我食哂一碟都得。不过环境太嘈令我表妹唔系好惯，但我地呢啲香港人就好惯，因为咁样热热闹闹先有风味嘛~ 而且佢地系唔会有限时叫你交枱，反而..... 系其他啲未有位嘅客，会企系度不停俾压力你交枱。