浦和日本料理

营业中

休息中

礼拜日老虎牛一原本好地地嘅假期俾佢老细一个电话幻灭了、唯有接老婆大人收工跟手再去食饭饭庆祝啦、会合后念住找间静少少嘅餐厅、系上环地铁站侧有间曰本放题心念静静地啱嘞、点知一落楼梯地库就知出事了、哗、全场爆满、正当想转身撤退嘅时候、俾个大汉一手拉住我十分热情地询问我们是否两位并立刻带我们两到一四人座位的卡位、咁嘅情况大人冇咩意见咪照食啰、$198一位夹埋都唔使五旧、大汉再埋枱嘅时候简单讲解收费及游戏规则、我见人紧系叫佢一声经理啦、咁都俾我开口中、仲唔问吓佢做紧咩优惠先、经理话送个餐牌冇嘅刺身拼盘咁话㖞、我紧系打蛇随棍上啦我问生日有冇着数他连声说道有有有、嘢食不过不失、环境属传统装修叫做整齐啦、食到尾声本身已经唔系好光嘅灯光都突然间熄埋、唔系停电吖、、一秒后经理拿着盛满甜点嘅雪糕船来到我们面前、生日歌声此起彼落、我两公婆结婚二十年都未试过成百人同我们庆祝、开心到大人见牙唔见眼、当然紧系最主要我送俾佢嘅生日礼物600D啦。