禾牛薈火煱館 (南角道)

营业中

休息中

麻甩之夜就去打边炉，个餐前小食鸭舌啲汁教得唔系咁好味。好彩佢鱼蛋角够蛋呀有冇腥味。跟住我哋叫咗𠮶张红鱼刺身同埋虾刺身。刺身未到，d头头尾尾已经炸咗俾我哋，椒盐都几香口又多肉。𠮶章红鱼终于到啦，久违嘅鲜味同埋弹牙。不过个生虾就冇乜特别，反而佢个酱就够辣劲抢喉。嗌咗个本地手切肥牛，肉质系嫩嘅，但牛味唔算。台山蚝觉得好好食，唔知点解街市𠮶啲台山蚝冇火锅店咁正，最后encore左一碟。另外水饺啲虾肉都好爆。但虾丸里便啲鹅肝，个味就唔系好出。跟住姐姐介绍叫份蚬，我觉得似沙白。但系佢话系澳洲钻石蚬，都$90一份唔算特别。食完饭有个椰青糕做饭后甜品，清清地讲吓火都唔错。