浜滝 (已結業)

喺铜锣湾行街，夜晚黎天后揾食。俾个门面闪到，见到系食日本野，二话不说即入。入面装修都好靓，以为自己去左日本。好多日本酒，又播埋日本电视节目，满满东瀛味。由于唔算好饿，三个人只系叫左四样野。见到menu啲串烧几吸引，就叫左串近江牛柳试下。虽然唔算好平，不过见系recommend，即管试下。真系唔错，夹埋啲葱食系几香，牛味都好浓，几啱我口味。Menu话北海道蟹场拉面系推介，就叫一个黎试下。碗底加左旧热石，令碗拉面唔会咁快冻，第一次见。不过唔算好有用，因为碗面都唔系好热。饮左啖汤，好浓嘅蟹味，系几鲜甜。最钟意食溏芯蛋，次次食拉面最钟意见到佢。而蟹肉系鲜甜，都几好食。大阪烧饼 - 唔系好知入面有咩食材，但咬一啖就feel到好足料同埋啲酱好够味。食完都几饱肚。半熟吞拿鱼 - 压轴登场，亦都系我最期待嘅美食。好香嘅黑椒味，配埋葱，几鲜味。口感唔同刺身，冇刺身咬落去一pat pat嘅感觉，反而有啲烟韧，几独特嘅味道。