壹壹漁一 (已結業)

今日黎左帝盛酒店同朋友食个日式lunch～上到2楼就系餐厅喇入面既装修都好有日系温暖既感觉，亦有好多日本酒做摆设。Lunch set包左前菜、沙律同汤，黎到酒店食都有个咁抵既价钱，十分超值。不得不提，餐枱上会有张野Cover餐具，系个几贴心既安排。先上一大盆野，我一度以为呢个餐盆系成个Lunch set，原来只系前菜、沙律同汤，真系好丰富！前菜有汁煮牛肉、冰镇车厘茄配巨峰提子汁同枝豆。牛肉好淋好入味；而车厘茄亦十分惊喜，好fresh，酸酸甜甜好好味！沙律份量都算多，个粟米浓汤香浓有口感！连前菜都咁讲究，主菜当然都好有水准～＃黑松露吞拿鱼意粉个意粉既卖相冇得输，好grand，Ｏ个片莲藕脆片靓之余亦好好食。意粉煮得岩岩好，每啖都充满住黑松露同吞拿鱼既味道＃火灸鱼生饭摆盆好似个蛋糕咁，上面铺满左三文鱼、带子同鳗鱼，啖啖都好滋味！经过火烧十分香～个寿司饭亦加入左Ｄ紫菜、芝麻同虾花虾干，好食亦好有口感＃荔枝红茶＆白桃茶天气凉凉地，食饱饮返杯热饮。最后食埋件椰汁大菜糕当甜品。