影片
更多
2012-06-07
126 浏览
朋友住青衣，平日收工换一换衫都起码八点，话想系屋企附近食……Okay，我准时1830收工，1930去到青衣等你地！朋友话不如食屋村大牌档，下，难得聚下可唔可以食好d先……=_=……佢话佢楼下档大排档d野好好食，改革开张两三个月左右，而且食到倾到夜一夜又无人赶仲有电视睇，我向来只求好食，试试无妨！好，我最早到，当然坐低等啦，点知等到你地几时！其实附近已经见到肥佬德既宣传餐牌，选择的确好多，不过试过先知既……去到熟食档，有分室内(有冷气)室外，我唔系好热得，于走拣左室内，一入到去，oh，有个伙记(传说中的太子哥？)即时热情招呼！问我几位，坐低仲帮我用热茶洗埋碗碟！搞到我有d唔好意思……天气开始热，由新界东去新界西，少不免有d口渴，叫左支蓝妹，此时太子哥介绍，不如叫番个炸大肠送啤酒，因为佢地啱啱改良过配方。我见两位友人都唔知几时到，揾野食送下酒都好，就听下太子哥话，炸太肠please！老实讲，都无谂住写食评，屋村野食有咩好讲先？本来我都系咁谂架，不过见个炸大肠个摆款咁别致，都不禁影一影……一口咬落去，哗！外皮好脆但条内肠又好软！比起旺角小食档既炸大肠，简直有过之而无不及(起码无染到橙色呀大佬
好，我最早到，当然坐低等啦，点知等到你地几时！其实附近已经见到肥佬德既宣传餐牌，选择的确好多，不过试过先知既……
去到熟食档，有分室内(有冷气)室外，我唔系好热得，于走拣左室内，一入到去，oh，有个伙记(传说中的太子哥？)即时热情招呼！问我几位，坐低仲帮我用热茶洗埋碗碟！搞到我有d唔好意思……天气开始热，由新界东去新界西，少不免有d口渴，叫左支蓝妹，此时太子哥介绍，不如叫番个炸大肠送啤酒，因为佢地啱啱改良过配方。我见两位友人都唔知几时到，揾野食送下酒都好，就听下太子哥话，炸太肠please！老实讲，都无谂住写食评，屋村野食有咩好讲先？本来我都系咁谂架，不过见个炸大肠个摆款咁别致，都不禁影一影……
一口咬落去，哗！外皮好脆但条内肠又好软！比起旺角小食档既炸大肠，简直有过之而无不及(起码无染到橙色呀大佬)，送酒佳品！而且又好大碟下，食到朋友来都仲食紧~而家仲好回味……好啦，正式点野食，见到poster有黄金虾，好，即试，然后仲有招牌卤水拼盘、苦瓜仓鱼、小炒王同辣酒煮螺。
个黄金虾，真系好食到我无言，只系$65，足足有十只中虾size，大部份有膏，新鲜爽虾加上个层惹味黄金外皮，我敢讲而家酒店级中菜厅都做唔到咁既质素，好食到我连壳都食埋，人多既话一定系encore之作，我手快快食左6成，yeah！卤水拼盘，整体不过不失，值得一赞既系墨鱼同猪耳好爽，而且份量好大！
苦瓜一向系男人既favourite，软硬适中；条仓鱼……竟然有煎过！？平时去酒楼食仓鱼，蒸完落茨就搞掂，佢竟然有先煎过，好香口！老实讲真系好意外，事关多一重功夫㖞……仲有，佢有一味煎封仓鱼，而我系只叫苦瓜炆仓鱼，后来问一问，原来无搞错，好欣赏肥佬德对食物既要求啊！
小炒王呢，算系不过不失，佢地用左韮菜、虾干、银鱼同炒腰果。银鱼炒到好香脆，虾干都唔系雪左n日既货色，韮菜新鲜，但腰果可以再炒干身点再脆一点。
期间仲叫左五、六支啤酒，间中太子哥同老板都有过来吹下水打招呼。讲真五、六十蚊一碟菜，既便宜又有电视有人情味，坐得轻松倾得自在，夫复何求？在公共屋村店舖被笼断、疯狂加租既情况下，我天边一条蕉衷心希望呢类有质素、有味道既屋村食肆可以维持落去，come on，点解我食好野就要去中环尖沙咀？我一定会再来！！！张贴
