影片
更多
2022-05-09
161 浏览
昨晚母亲节去左屯门黄金海岸的星小宴晚饭， 7:30 入坐， 一坐低就先叫个片皮鸭，已经话售罄。叫左2个前菜+5个小菜， 先来两个前菜系叉烧同埋烧腩肉仔，味道不过不失，之后来第一个小菜冰镇咕噜肉，系无冰镇的，微暖，像是炒完好耐摊冻后拎出来，大家都体谅系今日母亲节，估计厨房应该繁忙所以都唔介意。之后等咗25-30分钟，侍应走过目无表情讲我们之后点的三个小菜冇得供应了，跟住就闪走咗。我们只好再系餐单上再拣，但拣左几个小菜都系话冇，跟住我就同侍应讲不如你地有啲咩话俾我知啦，我哋等咗好耐先话冇，真系好浪费大家时间，估唔到佢覆我一句：我打工嘅咋乜都唔知，跟住就走咗。好不容易叫到部长过嚟，请佢喺Menu上写返那些小菜有， 边啲冇，至少等我哋唔使不断去估估下，点知原来Menu上5-6成嘢都系冇嘅晒，咁我哋就唯有喺余下仲有𠮶啲小菜再拣，再叫侍应过嚟落单，竟然都系冇晒，我就开始同佢理论：我哋已经跟足部长话有既小菜去落单，竟然又无？ 佢哋都系覆我一句，真系冇呀，我打工嘅咋，唔好为难我！ 最后我哋想叫个菠萝海鲜炒饭，但求老爷奶奶有淡饭食，唔想母亲节要他们饿着个肚回家，点知想要个炒饭都系冇，最后好不容易叫到个鲍
7:30 入坐， 一坐低就先叫个片皮鸭，已经话售罄。叫左2个前菜+5个小菜， 先来两个前菜系叉烧同埋烧腩肉仔，味道不过不失，之后来第一个小菜冰镇咕噜肉，系无冰镇的，微暖，像是炒完好耐摊冻后拎出来，大家都体谅系今日母亲节，估计厨房应该繁忙所以都唔介意。
之后等咗25-30分钟，侍应走过目无表情讲我们之后点的三个小菜冇得供应了，跟住就闪走咗。我们只好再系餐单上再拣，但拣左几个小菜都系话冇，跟住我就同侍应讲不如你地有啲咩话俾我知啦，我哋等咗好耐先话冇，真系好浪费大家时间，估唔到佢覆我一句：我打工嘅咋乜都唔知，跟住就走咗。好不容易叫到部长过嚟，请佢喺Menu上写返那些小菜有， 边啲冇，至少等我哋唔使不断去估估下，点知原来Menu上5-6成嘢都系冇嘅晒，咁我哋就唯有喺余下仲有𠮶啲小菜再拣，再叫侍应过嚟落单，竟然都系冇晒，我就开始同佢理论：我哋已经跟足部长话有既小菜去落单，竟然又无？ 佢哋都系覆我一句，真系冇呀，我打工嘅咋，唔好为难我！
最后我哋想叫个菠萝海鲜炒饭，但求老爷奶奶有淡饭食，唔想母亲节要他们饿着个肚回家，点知想要个炒饭都系冇，最后好不容易叫到个鲍鱼鸡炒饭，味道尚可，但冇温度可言，完全系唔热，真系跟炒冷饭系无分别。
天啊！我们净系想食餐饭咋，冇谂过要去为难任何人，开开心心嚟到餐厅，结果乜都冇得食，
究竟系边个为难边个？ 😵💫
张贴