影片
更多
2019-03-10
1176 浏览
我人生食过最差嘅一餐法国菜一入到去啲侍应个个衣衫不整, 一眼就知道佢哋系嚟呢度打紧暑期工. 入咗半个钟头之后个经理竟然打畀我问我系唔系嚟紧, 下? 我入嚟𠮶阵时你唔系已经问咗我系边个咩?个装修除咗个海景之外, 完全好似工厦区嘅餐厅咁. 真系唔系女朋友提我都唔知自己喺ifc. 啲侍应个个好似游魂咁, 我自己𠮶份头盘嚟到𠮶阵时, 见佢哋系我身后传来传去. 之后一句嘢都唔讲就放落台面中间位置, 问都唔问边个食啲咩，跟住行埋嚟又放低两只碟，要我地同佢讲我地叫左两份唔同的头盘，佢至知枱上果份头盘系一人份。我叫咗个海鲜冷盘, 啲嘢唔可以话新鲜, 只可以话好似酒店buffet𠮶啲 (绝对唔系五星级酒店𠮶啲). 𠮶个 cocktail sauce 个味道好似千岛酱.食完头盘，等左好耐至上汤，因为游魂侍应只收走碟头盘，无收走所有头盘用的餐具。佢地以为我地未食头盘，直至我地同佢地讲已食完头盘，才慌忙上汤。个龙虾汤好似稀释咗嘅金宝汤, 加埋一啲杰到唔会溶嘅sour cream. 又九唔搭八加埋啲三文鱼子, 真系新奇到冇朋友.等咗成四十五分钟, 主菜龙虾先上. 个龙虾好似 加啲啲芝士返热头先海鲜冷盘另外𠮶半只
一入到去啲侍应个个衣衫不整, 一眼就知道佢哋系嚟呢度打紧暑期工. 入咗半个钟头之后个经理竟然打畀我问我系唔系嚟紧, 下? 我入嚟𠮶阵时你唔系已经问咗我系边个咩?
个装修除咗个海景之外, 完全好似工厦区嘅餐厅咁. 真系唔系女朋友提我都唔知自己喺ifc.
啲侍应个个好似游魂咁, 我自己𠮶份头盘嚟到𠮶阵时, 见佢哋系我身后传来传去. 之后一句嘢都唔讲就放落台面中间位置, 问都唔问边个食啲咩，跟住行埋嚟又放低两只碟，要我地同佢讲我地叫左两份唔同的头盘，佢至知枱上果份头盘系一人份。
我叫咗个海鲜冷盘, 啲嘢唔可以话新鲜, 只可以话好似酒店buffet𠮶啲 (绝对唔系五星级酒店𠮶啲). 𠮶个 cocktail sauce 个味道好似千岛酱.
食完头盘，等左好耐至上汤，因为游魂侍应只收走碟头盘，无收走所有头盘用的餐具。佢地以为我地未食头盘，直至我地同佢地讲已食完头盘，才慌忙上汤。
个龙虾汤好似稀释咗嘅金宝汤, 加埋一啲杰到唔会溶嘅sour cream. 又九唔搭八加埋啲三文鱼子, 真系新奇到冇朋友.
等咗成四十五分钟, 主菜龙虾先上. 个龙虾好似 加啲啲芝士返热头先海鲜冷盘另外𠮶半只咁样, 韧到好似食擦子胶. 真系惊食多啖都会胃痛.
最后甜品系 creme brulee. 个custard 再杰d d就可以叫做蛋糕. 上面𠮶浸焦糖厚到要大敲先至敲得穿. 同埋啲糖浆有烧得太耐烧到㶶㶶地有啲苦味.
四道菜冇一道系食得多过一半但系从来冇人问过我有冇问题. 叫咗个经理帮我埋单, 同佢反映咗餐厅服务同埋菜式有几差.
个经理好有礼貌咁样同我讲希望我明白F&B 系一个好困难嘅行业, 佢都知餐厅仲有好多改进嘅地方同不足. 有啲同事连一个英文都唔识.
我好欣赏佢嘅老实与态度, 但系我都希望佢知道冇人逼佢做f&b嘅. 难道我揾钱唔困难吗?
仲有一段小插曲，隔离枱个女士跌左件外套落地近一个钟，完全无侍应帮佢执起或提佢跌左，到我地离座，件外套都留在地上，由此可见，呢间餐厅真系零服务。
海鲜拼盘
21 浏览
1 赞好
0 留言
龙虾汤
21 浏览
0 赞好
0 留言
Lobster thermidor
20 浏览
0 赞好
0 留言
Creme Brulee
23 浏览
0 赞好
0 留言
张贴
