影片
更多
2014-01-08
1501 浏览
第一次写食评纪念我老公生日，我为佢选择左人气餐厅水月。蕃茄啫喱，一入口就爆开，成个口腔充满蕃茄水味，好清新好特别。蚝叶，明明食紧块叶，但一边咬一边渗出生蚝嘅味道，开头觉得怪怪地，但回味果阵真系好得意好特别，会想食多一块😁话梅蕃茄配日本冰菜，粒蕃茄仔系好似食紧话梅咁，好入味好得！之后食冰菜中和返口腔味道，继续食第二道𩠌，食得到厨师有安排。盐烧新鲜鳕场蟹脚配红菜头粉、低温焗bb蒜芯干、海苔粉爆谷，蟹脚本身盐烧已经好鲜味，第一次食红菜头粉，配落蟹脚味道变得又鲜又甜，好欣赏配喺侧面d蒜芯干，d味道好夹。本身我钟意食甜爆谷，我将佢点红菜头粉食又另一番风味。龙吐珠，上枱一嚿石头咁配碟酱，打开系两粒炸球！切开原来系外层虾胶，食到好鲜甜虾味，系弹牙嘅，中间果层系龙眼，龙眼包住蟹子，入口外层炸得好香脆，咬入去口感层次好丰富，好奇怪完全唔觉得油腻，同埋咬到最入面蟹子卜卜脆，口感好好，配佢个甜甜酸酸酱汁好开胃。本身我好少食炸野，但都食到，亦无好热气感觉，不过如果酱多d就更加好。南瓜雪场蟹钳蛋白羹，只鳕场蟹钳真系好鲜味好得、啖啖肉 ，好似喺日本食果d咁！南瓜汤好香甜，最要赞系佢原个南瓜仔炖蛋白，炖到个南瓜肉又
第一次写食评纪念我老公生日，我为佢选择左人气餐厅水月。
蕃茄啫喱，一入口就爆开，成个口腔充满蕃茄水味，好清新好特别。
蚝叶，明明食紧块叶，但一边咬一边渗出生蚝嘅味道，开头觉得怪怪地，但回味果阵真系好得意好特别，会想食多一块😁
话梅蕃茄配日本冰菜，粒蕃茄仔系好似食紧话梅咁，好入味好得！之后食冰菜中和返口腔味道，继续食第二道𩠌，食得到厨师有安排。
盐烧新鲜鳕场蟹脚配红菜头粉、低温焗bb蒜芯干、海苔粉爆谷，蟹脚本身盐烧已经好鲜味，第一次食红菜头粉，配落蟹脚味道变得又鲜又甜，好欣赏配喺侧面d蒜芯干，d味道好夹。本身我钟意食甜爆谷，我将佢点红菜头粉食又另一番风味。
龙吐珠，上枱一嚿石头咁配碟酱，打开系两粒炸球！切开原来系外层虾胶，食到好鲜甜虾味，系弹牙嘅，中间果层系龙眼，龙眼包住蟹子，入口外层炸得好香脆，咬入去口感层次好丰富，好奇怪完全唔觉得油腻，同埋咬到最入面蟹子卜卜脆，口感好好，配佢个甜甜酸酸酱汁好开胃。本身我好少食炸野，但都食到，亦无好热气感觉，不过如果酱多d就更加好。
南瓜雪场蟹钳蛋白羹，只鳕场蟹钳真系好鲜味好得、啖啖肉 ，好似喺日本食果d咁！南瓜汤好香甜，最要赞系佢原个南瓜仔炖蛋白，炖到个南瓜肉又熟又好味、蛋白又滑！我系连佢南瓜仔d肉都食埋
麻籽烤威尔斯羊架，呢个系其中一个期待𩠌，因为睇过其他食评赞口不绝，一定要试。服务员话呢只威尔斯羊系羊中之皇，我食后感系觉得食评无呃人，肉质真系好嫩滑，味道一d都唔酥，配麻籽又唔系麻到你口痺，而系果种麻香，侧边嚿肥膏更为一绝，甘香！讲真，我系忍唔住攞住支骨食，连骨衣都食埋。开头谂住d色好似咁生有d惊，但原来新鲜肉7成熟系鲜肉嘅粉嫩颜色，我入口又真系够熟够嫩，系完全唔驶点薄荷酱或者芥辣，因为已经腌到入哂味，食完系佩服呢道菜。
香芒糖波配朱古力泥，真系惊为天人！应该点食好？原来系用匙羹卜开食！呢个甜品系一绝！芒果热情果甜酸味混埋个朱古力泥一齐食好平衡，口感好幼滑～加$20蚊写个生日牌原来系杏仁粉造，都可以食埋！
我老公最开心，因为加左个生日牌俾佢庆祝生日，佢好惊喜。
黑松露焦糖炖蛋，其实到呢个位我已经好饱....点知食完第一啖后追住食埋，真系啖啖黑松露，蛋好香好滑，店主好有诚意！
蟹脚及龙吐珠我叫左house white配，佢house white味道唔错，几好。而甜品我叫左杯dessert wine配，佢地dessert wine系moscato d'Asti,好好饮！
最后饮品我选择左金桔柠檬蜜糖水为呢餐生日饭划上完美嘅句号。
当我以为食完准备埋单嘅时候，服务员送上两个骰盅，搞咩？原来系烟熏朱古力，真系第一次食，由外层烟熏味㗳到里面黑朱古力味，真系意想不到！
埋单两位$1316，呢个价钱食到食物新鲜、食得又睇得、有惊喜、有得饮埋酒、铜锣湾区，系物超所值。
张贴
