志魂 (已搬遷) 新店位置

呢个系我第一次系Openrice写嘅食评。因为之前都试过唔少好嘅餐厅，但一直未有机会分享，被某人催促之下就的起心肝写呢篇野。第一篇我想写我上年12月生日嘅晚餐，地点就系志魂，一间唔起眼嘅日本厨师发板餐厅，简约嘅铺头只有几个座位，感觉都有日本风味。生日当然唔少得开支靓酒啦，虽然我唔饮得但系都饮多几杯。好开心个餐牌系印咗我的生日日期接落嚟就欣赏下呢餐饭嘅食物相啦，总共有6款刺身10件寿司👍🏻不过我发现原来只可以常在12张相，咁唯有上载我比较喜欢的食物啦。一睇就知呢个系八爪鱼，平时食𠮶啲好银好似擦子胶，但呢个好软林林，配合柚子，简直系完美配搭，好多其他嘅Omakase 餐厅都有呢款菜式，但最好味始终系原创者。另外呢度最正嘅就系鲍鱼，同埋啲鲍鱼肝酱捞饭，本身望落去𠮶啲鸭屎绿色既物体以为好腥，但食落系好鲜味。寿司都唔使多讲，好鲜味。今次嘅生日饭都几难忘，多谢某人好有心book呢一间餐厅同我庆祝。