釜之魂釜飯專門店 (淘大商場) (已結業)

妈妈好钟意食鳗鱼，所以今晚带佢黎哩间餐厅度食鳗鱼饭，巳经第二次黎，幸好唔洗排队就安排到入去，坐低后先帮妈妈叫个金魂鳗鱼饭，经店员悉心介绍分左头部、中间位置及尾部三个部位可选择，妈妈醒目地话要中间最肥美的部份，加埋$18就可以升级转成套餐，有埋前菜、面豉汤同饮品，我就点左个五花叉烧稻庭汤乌冬，同样转套餐，饮苹果蜜滋润一下。一落完单，店员便上面豉汤及一碟青瓜腌鳗鱼前菜给我们享用，面豉汤内加左些蔬菜，饮落同平时浓郁既味道不同，比较清淡健康。鳗鱼饭同乌冬同时上枱，块鳗鱼大过碗边，份量都多，所以妈妈要特登问店员拎多个碗仔摆开先食到下面既饭，揭开之后下面配搭些蔬菜、香菇、蛋丝同虫草花，感觉健康。而我的五花叉烧稻庭汤乌冬，隋圆形半肥瘦的叉烧带有酒香味道，汤底浓郁美味兼有好多芝麻和海带，而稻庭乌冬扁身滑嘟嘟又有烟韧口感，正。临走时店员见妈妈年纪大怕佢上落楼梯由正门出唔方便，于是特别安排另一边门方便我们离开，够细心。