田記魚蛋牛腩專門店 (塘尾道)

营业中

休息中

落雨的晚上，不想走太远吃饭，就近近地吃个田记牛三宝面 而 男友就叫了 牛坑腩河、另外叫多左个腐乳通菜 同 两支玻璃樽装 汽水，承为$141。本身冇谂过写OpenRice ，所以冇相…味道系好味既，通菜都系嫩既。但最难忘唔系佢个味道，而系佢个收银呀姐既服务态度！我地两个由坐低食野到走前后半个钟都冇（唔系食完坐系度吹水），去比钱… 收银个位标明 可以支付宝、微信支付、八达通… 于是我同收银姐姐A讲要 支付宝比钱，讲完我都开左个支付宝 嘟 比钱个板，A都收左钱； 之后另一个姐姐B冲出黎话A冇收到钱，话佢地个系统系收左钱会弹另一板（我心谂咁关我咩事）B一路望住我眼神都似我食霸王餐咁，我再向B从申系比左钱 已经弹埋去成功个版 亦比佢睇，B之后影我电话画面仲问埋我电话号码，话收唔到钱打比我🤔（我比左钱、扣左数、你收唔到钱唔系应该揾客服处理咩？咁关我咩事？！）成世人咁大个女未食过餐饭咁委屈⋯⋯ 咁既服务态度同质素，我会将佢永世列入黑名单。