八居酒屋 (天文臺道) (已結業)

万圣节对我黎讲已经唔系咩扮鬼扮马既节日，万圣节梗系要食餐丰富既庆祝下！今日去左食居酒屋！叫左个免治鸡肉串。同我去日本食既一模一样。鸡肉串松软而且用左日本酱汁，好味！加埋鸡蛋汁，好幸福！之后叫左个网烧安格斯肉眼。呢个先系重点！七成熟真系七成熟！牛肉既鲜味一入口就出晒黎！而且唔会醒，加埋日式酱汁，好高质！食左好多块，肉汁同酱汁真系好夹，好耐冇食过咁高质既牛肉！钟意食肉，所以又叫左个炸牛舌粒。牛舌味道好重，新鲜。呢度野食高质系肯定既。之后上埋我既鱿鱼一夜干。鱿鱼上面果层特别香，加埋沙律酱，口感弹牙。普普通通既野食，但整到味道好好！因为叫左太多肉，最后叫左个油阳豆腐。呢个豆腐几得意，有少少姜味，又有萝卜丝，味道几夹，同埋豆腐味道系浓既！最后慢慢饮埋自己既白桃苏打，吹下水，系呢个环境优雅既餐厅度过一个悠闲既万圣节！