Burgerman (埃華街)

营业中

休息中

今日放工去左南昌揾朋友，好小可黎到呢头，于是同朋友就决定系呢头揾食先。 朋友就带左我黎呢间食，虽然细细间，但佢话burger 好出名。一坐低睇餐牌，价钱算中等，但望到隔离枱既burger...哗...好大个，如果系咁，都算几抵，难得黎到呢度就决定豪一豪食个鹅肝汉堡，因为平日好小有机会食到，之后再叫左个和牛汉堡、水牛鸡翼同薯块。首先和牛汉堡黎到，原来已经帮我地切开左，真系好细心，面包劲松脆，和牛食落劲有牛肉味，软软的好有口感，其他快餐店完全冇得比。 之后期待已久的鹅肝汉堡到，哗。。好足料，面包依然超级松脆，完全feel 到系即时整既感觉，一分钱果然一分货，初初仲谂住鹅肝系劲颓果d,但食落超好味，充满鹅肝味，而且口感食落软软的，最重要系有鹅肝应有的油腻但一点也没有太over,真系好正，今次真系豪得正确，实在太难忘。 水牛鸡翼都煎得好香脆，配上酸酸辣辣的汁，十分好味。 最后薯块都炸得好香脆，其实小食都好正，但冇办法，因为完全比汉堡盖过左风头。呢度虽然细细间，但野食十分正，很适合2至3个朋友一齐黎食。