鱻88日本料理 (已結業)

约咗成十年无见既老朋友食饭,佢岩岩系外国返来，话唔想食西餐，记得佢同我讲过佢果边d日本菜好奇怪，d寿司包肠仔包菠萝乜都有，咁不如就带下佢食香港出色d日本菜啦！呢间鱻88系之前老世请过我地食饭既餐厅，入面装修好别致，如果唔想坐系卡位，就可以坐系bar台睇住厨师为我地制作料理。今晚同朋友坐系bar台，感觉超写意！烧活海鳗鱼饭（三食）一听到活烧鳗鱼就成个人都兴奋，鳗鱼好新鲜，食落唔会有腥味。鳗鱼汁加埋饭食，仲有d蛋，非常鲜味！另外倒d汤一齐食，变为汤饭，加埋佐料食，味道又系另一番风味。深海池鱼、鲭鱼、帆立贝剌身池鱼好厚好大件，好满足！鲭鱼系烧过表面再比我地食既，食落都系好嫩～帆立贝一试就知系靓野，掂！牛油果软壳蟹沙律软壳蟹炸得好香脆，加埋牛油果食，可以中和到油份，都唔错㖞什锦天妇罗7点盛合我最钟意就系虾好大只，南瓜好香！