影片
更多
2018-04-29
887 浏览
之前已经知道尚宴系京都集团嘅，已经抱住冇希望系预咗失望嘅心态去饮，但去完唔系失望咁简单，真系极品到唔恨灯光效果差，转色转到头都晕，disco咩，咩年代呀场地音响经常好似爆喇叭咁发出巨响场地布置更加唔驶讲啦，一入门口有大大个神台坐阵一入座坐低简直眼都凸埋，筷子架布满铁锈积、筷子顶有d银色嘅图案，甩色甩到见到里面d木，直情𠝹到手嘅，肉酸情度达一百分以上酒楼安排时间不当，敬完酒影相是常识，但酒楼超赶收工，劲快上完菜，到一对新人仲拍紧照时，所有菜式已经上完，记住仲系拍照时间，d宾客都未等到新人送客已经走咗一大半，酒楼已经清场执枱，但一对新人依然系台上拍照，仲未送客㗎，但场内一半枱已清讲完d唔关我事嘅嘢，讲重点重点系我食落肚嘅嘢，真系不得了屋邨酒楼千零蚊围酒席都好好多好好多好好多，重要嘢系要讲3次㗎⭐️第一味 乳猪🐷冻系常识 乳猪咸到呢又咸又冻系咩玩法第二味 翡翠花姿虾仁大家有冇食过梅嘅虾第三味 蜂巢带子盒食头2味已经知道冇蟹钳系常识，但食嘅系芋头包住粒鼻屎咁细粒，完全食唔出嘅带子，重点都系𠮶pat芋头，真系未见识过婚宴食芋头呀，摆斋宴另计第四味 蟹肉百花翠肉环重点系嚿蟹胶啦，当然食唔出有蟹味，
灯光效果差，转色转到头都晕，disco咩，咩年代呀
场地音响经常好似爆喇叭咁发出巨响
场地布置更加唔驶讲啦，一入门口有大大个神台坐阵
一入座坐低简直眼都凸埋，筷子架布满铁锈积、筷子顶有d银色嘅图案，甩色甩到见到里面d木，直情𠝹到手嘅，肉酸情度达一百分以上
酒楼安排时间不当，敬完酒影相是常识，但酒楼超赶收工，劲快上完菜，到一对新人仲拍紧照时，所有菜式已经上完，记住仲系拍照时间，d宾客都未等到新人送客已经走咗一大半，酒楼已经清场执枱，但一对新人依然系台上拍照，仲未送客㗎，但场内一半枱已清
讲完d唔关我事嘅嘢，讲重点
重点系我食落肚嘅嘢，真系不得了
屋邨酒楼千零蚊围酒席都好好多好好多好好多，重要嘢系要讲3次㗎⭐️
第一味 乳猪🐷
冻系常识 乳猪咸到呢
又咸又冻系咩玩法
第二味 翡翠花姿虾仁
大家有冇食过梅嘅虾
第三味 蜂巢带子盒
食头2味已经知道冇蟹钳系常识，但食嘅系芋头包住粒鼻屎咁细粒，完全食唔出嘅带子，重点都系𠮶pat芋头，真系未见识过婚宴食芋头呀，摆斋宴另计
第四味 蟹肉百花翠肉环
重点系嚿蟹胶啦，当然食唔出有蟹味，佢冇改错名，用翠玉瓜包蟹胶扮瑶柱玉环又系咩玩法
第五味 竹笙鸡丝翅
真系严重违反商品说明条例，佢菜单只能用竹笙鸡丝芡(献）嚟形容，唔好话翅，粉丝都冇条
第六味 碧绿金钱鲜鲍鱼
𠮶只鲍鱼睇落似面粉头，唔知以为食紧斋宴里面嘅斋鲍鱼，卖相直情同上海铺嘅狮子头有得挥，真系极度怀疑紧系假鲍鱼
第七味 青蒸大海斑
一食落口条鱼老到可以做鱼瑞，根据以上六味菜嘅经验，都系正常嘅，老都不是问题，重点嚟啦，劲腥
第八味 一品脆皮鸡
真系又嚟违反商品说明条例，话明脆皮鸡，睇卖相，冇色白恰完咁，系恰完淋咗嘅款，咁又何来脆呢
第九味 金沙海皇嚼苗
今次啱啦，真系咀嚼个嚼呀，呢味系炒饭嚟嘅，但d饭系生米嚟㗎，唔咀嚼都食唔到呀
第十味 幸福伊面
根据以上经验，我真系发觉一d都唔幸福
第十一味 百年好合
即系红豆沙，唉！去到尾声，真系唔想再食垃圾啦
第十二味 永结同心
就系𠮶pat杞子桂花糕，真系一pat嘢咁，一吉散哂，真系大吉利是，喜庆场合用散嚟形容
12道菜全晚完美演绎，真系要👏🏻👏🏻👏🏻👏🏻👏🏻人生第一次见识到咁经典嘅婚宴菜色，令我大开眼界
弹咗成晚都有好嘅一面嘅，唔可以只弹唔赞㗎，赞就系都仲有好食嘅橙🍊嘅
完！
张贴