Cafe Roma

营业中

休息中

放假去食野，Cafe Roma 都系好好既选择，环境靓，气氛好，又可以感受下阳光，我同朋友仔都食得开心。🙂午餐只系$88，够扺食。前菜系意式卡布里沙律配水牛芝士，大大片水牛芝士真系揼本，扺过自己整，仲有番茄同火箭菜，新鲜又清新。😉主菜就拣左香脆烟熏猪脸烟肉青豆烩意大利饭，猪脸肉经烟熏后冇咁油，食落仲几爽脆㗎，口感够晒特别。🤭朋友就叫左同样系$88既午餐，有餐汤同烟花女意粉。意粉个名够晒创意，其实系有车厘茄、橄榄、水瓜柳同鳀鱼，配埋微辣既番茄汁，调味都好好。👏🏻朋友个仔就叫左儿童餐，有义大利杂菜汤，夏威夷薄饼，杂果，蓝莓芝士饼，提子汁。丰富到作为大人都想叫一个。👶🏻餐厅service 好，价钱又平，食物水准都好好，值得再食。