泰巷 (已結業)

其实之前嚟过食下午茶，几十蚊食碗粉，印象中系价钱ok味道正路嘅。今晚拣左个二人餐$298，加特饮两杯$52，炒个菜$18，加埋一埋单$404.8，喺荃湾食一餐饭一人两旧水绝对唔平架喇。冬荫功海鲜汤，啲虾肉劲霉，完全系死虾咁，鱿鱼冇味，个汤味道合理嘅，但成兜汤香矛都夹唔到一条出嚟咁你话啲味边度嚟？心照啦...最正路呢个拼盘，虾饼春卷即刻炸热辣辣，唔难食嘅，系油左少少。串烧琴日食完个咁好嘅呢个简直完全冇得比，但都系𠮶句，唔难食嘅。冬荫功驴鱼，先炸完再连埋啲配菜一齐放喺个炉度加汤煮。首先呢个四方形嘅炉唔系几啱用，摆盘都系有啲问题，啲菜喺条鱼下面，煲左一阵啲菜已经吸哂啲汤咸到食唔到，但条鱼都仲系干争争，直接啲讲完全唔好食。菠萝炒饭，好耐未食过咁难食嘅菠萝炒饭👎🏻成个饭都冇味嘅，海鲜又冇味，得啲肉松咸咸地，菠萝都冇几多粒，极hea😤最满意系呢个半价$18嘅炒通菜，价钱同味道相符，唔系话佢好食，但俾得$18都唔会再嫌三嫌四。荃湾好食嘅泰菜其实唔少选择，今日贪就脚又坐得阔啲，就错哂喇😩😩