盛八食堂 (已結業)

男朋友系超级蛋包迷，而我 就酷爱咖喱, 再次见到"盛八食堂"推出团购券，岂能忍手唔买呢？！下午3点几去到，客人唔多，我地又可以静静咁叹番餐呢！1.吉列鹿儿黑豚咖喱蛋包饭 : 鸳鸯汁，一边系我至爱既咖喱汁并另一边既白汁。有辣辣既咖喱汁捞饭，特别开胃架！白汁太淡, 一下子被比下去添！依旧既薄薄滑嫩蛋皮，今次配上松软香口既黑豚肉，脆粉唔厚，啖啖黑豚肉，肉质极其松软好味 ！2.焗芝士火腿地鸡三文治 : 一直偏爱呢款焗三文治 ，每次来亲都必点，因为口感似厚批pizza啰 ，芝士浓郁，夹上嫩鸡肉加火腿后, 特别丰𣍰美味！自从戒左重口味之后，唔再觉得呢款三文治淡口，反而觉得味道适中刚好呢！3.风雷饺子(咖喱+鸡软骨) : 细细只既香煎饺子，皮薄但内里无咩饀，食唔到鸡软骨啰！不过有咖喱味搭够，算佢喇！嫌唔够辣既，仲可以蘸上随附既辣椒酱油呢！另外既沙律菜，新鲜好味。58蚊张coupon，用两张，补返26蚊，今餐算合理既……唔知系米天气冻既关系，d野食唔够烫热，不过就'真系坐得舒服，hea到爆，二人世界就最啱哂嘞！