影片
更多
2018-07-01
469 浏览
而家铜锣湾真系多咗好多美食大厦，上楼揾食真系大势所趋。最重要系好多新餐厅可以用app book，啱哂笃笃笃一族。顾名思义，v.thai又有泰又有越。事不宜迟即刻叫个泰越拼盘食吓先。呢个泰越拼盘真系无呃人，上至鱼饼下至蒜蓉法包，左至串烧右至软壳蟹，平时喺泰国菜餐厅或越南菜餐厅最常叫嘅小食都有。味道中规中矩，胜在大堆头。青木瓜沙律材料几新鲜，但味道略淡。附送嘅泰式辣汁其实有啲奇怪，som tum咁食都系首次。香草烧鸡上菜时热辣辣，而且腌得唔错，食落都好惹味。虽然伴碟有酸瓜感觉未必正宗，但又几好食同埋配合成件事㖞！一向唔系泰式咖哩嘅爱好者，不过朋友叫到都一齐试试。呢碟青咖哩好奇怪地一啲都唔辣，反而系甜甜地。蒜蓉炒椰菜苖，正正常常咁。不过其实喺香港食到似样少少嘅椰菜苖都唔系咁容易，好多时啲苖又老又韧，所以相比之下呢碟算唔错。最后嚟个焦糖炖蛋，叫做有个甜品食吓，但其实佢个面唔多脆，而炖蛋亦无乜香味。虽然食完有少少唔知自己泰咗，越咗定香港咗，但至少喺呢度，食得正常，坐得舒服咁啦！
顾名思义，v.thai又有泰又有越。事不宜迟即刻叫个泰越拼盘食吓先。
呢个泰越拼盘真系无呃人，上至鱼饼下至蒜蓉法包，左至串烧右至软壳蟹，平时喺泰国菜餐厅或越南菜餐厅最常叫嘅小食都有。味道中规中矩，胜在大堆头。
青木瓜沙律材料几新鲜，但味道略淡。附送嘅泰式辣汁其实有啲奇怪，som tum咁食都系首次。
香草烧鸡上菜时热辣辣，而且腌得唔错，食落都好惹味。虽然伴碟有酸瓜感觉未必正宗，但又几好食同埋配合成件事㖞！
一向唔系泰式咖哩嘅爱好者，不过朋友叫到都一齐试试。呢碟青咖哩好奇怪地一啲都唔辣，反而系甜甜地。
蒜蓉炒椰菜苖，正正常常咁。不过其实喺香港食到似样少少嘅椰菜苖都唔系咁容易，好多时啲苖又老又韧，所以相比之下呢碟算唔错。
最后嚟个焦糖炖蛋，叫做有个甜品食吓，但其实佢个面唔多脆，而炖蛋亦无乜香味。
虽然食完有少少唔知自己泰咗，越咗定香港咗，但至少喺呢度，食得正常，坐得舒服咁啦！
张贴
