名爵 (已結業)

大食会聚餐中，其中一位会友极力推介湾仔「名爵」，激赞佢抵食又好味，有兴趣o既十个人就立刻夹好日子去试食。「名爵」位于湾景中心，离地鐡站颇远，附近一带o既交通经常性挤塞，乘搭公共交通工具，甚至的士或私家车都极难掌握时间，落咗车仲要揾电梯或升降机上三楼，地点可算唔多方便 。餐厅由门口到大厅o既装潢全以粉紫、粉红同白色为主，装饰都用上花花同蝴蝶，极富婚宴味，同为单身o既小肥同Auntie V一同行经走廊，耳边彷佛正奏出结婚进行曲，搞到大家都打哂冷震 ，好唔自然。入座一刻即发现食店属好彩集团名下，而且标名为「婚宴专门店」。除咗经理姐姐一人较为落力之外，楼面伙计大多都面无表情，唔多愿做咁 。点𩠌方面交由会友即场同经理姐姐商讨，大致上都系叫返啲抵食o既推广菜式。 响螺海皇冬瓜盅（$168）：冬瓜盅汤味清甜，其实都好足料吓，同行o既会员却挑剔地形容汤品只属中规中矩，好彩睇清楚价钱为每盅$168后都大叫抵食 。 潮连烧鹅皇（$148/半只；$280/只）：订枱时其实只系订咗半只，不过姐姐话留咗一只，见大家都冇异议，最终我地就要咗一只。大食会中有多位隐世厨神同食家，除咗弹烧鹅唔够热、皮唔够脆