影片
更多
2017-03-03
2534 浏览
帮衬过自己机构Cafe十几次，今次可谓最期待、最丰富、最特别，因为今日细妹嚟揾我食lunch, 作为员工，我梗系要带佢去试吓我机构嘅社企兼自家品牌！我哋两个人，细妹早五分钟去攞位，今日客唔算特别多，我哋坐喺窗边，喺阳光下望住街景享用午餐，好舒服！细妹点咗：1)炸虾汉堡配薯条+热咖啡少奶(有代糖提供)(原价$43，员工七折价$31.1)、2)炸鸡髀($15)、3)烚杂菜($15～呢个系我向经理要求额外点)；我点咗：焗葡汁鸡扒意粉+热华田(原价$40，员工七折价$28)，结果系点到成枱都系嘢，都只需$88.1！买完食物，攞住号码座返埋位，食物于十分钟内，由侍应学员逐样送上嚟！细妹切咗少少虾饼我试，感觉自家制，有虾肉质感但偏腍，唔系泰式虾饼爽口弹牙𠮶款！炸粗薯条热辣辣，点茄汁，Ichiban！烚菜等于我个葡汁鸡扒意粉嘅配菜，冇油微咸好健康！我又点茄汁，好味！讲吓我个葡汁鸡扒意粉，面头一大块鸡扒，冇乜椰汁味，但有芝士丝，味道对我嚟讲偏淡(我食好浓，又加茄汁！)，但对普通人应该适中，鸡扒够嫩滑，我食哂一份，饱到上心口！细妹食炸鸡髀，鸡髀偏瘦，$15细细只，但味道唔错！我同事好多时特登买嚟加𩠌！饮
我哋两个人，细妹早五分钟去攞位，今日客唔算特别多，我哋坐喺窗边，喺阳光下望住街景享用午餐，好舒服！
细妹点咗：1)炸虾汉堡配薯条+热咖啡少奶(有代糖提供)(原价$43，员工七折价$31.1)、2)炸鸡髀($15)、3)烚杂菜($15～呢个系我向经理要求额外点)；我点咗：焗葡汁鸡扒意粉+热华田(原价$40，员工七折价$28)，结果系点到成枱都系嘢，都只需$88.1！
买完食物，攞住号码座返埋位，食物于十分钟内，由侍应学员逐样送上嚟！
细妹切咗少少虾饼我试，感觉自家制，有虾肉质感但偏腍，唔系泰式虾饼爽口弹牙𠮶款！炸粗薯条热辣辣，点茄汁，Ichiban！
烚菜等于我个葡汁鸡扒意粉嘅配菜，冇油微咸好健康！我又点茄汁，好味！
讲吓我个葡汁鸡扒意粉，面头一大块鸡扒，冇乜椰汁味，但有芝士丝，味道对我嚟讲偏淡(我食好浓，又加茄汁！)，但对普通人应该适中，鸡扒够嫩滑，我食哂一份，饱到上心口！
细妹食炸鸡髀，鸡髀偏瘦，$15细细只，但味道唔错！我同事好多时特登买嚟加𩠌！
饮品方面，我杯热华田绝对足料，唔会太稀！我细妹𠮶杯热咖啡少奶都ok！
同细妹享用完午餐，不禁同佢一齐走去收银处附近同四眼经理讲，Home Cafe啲食物好味！(我更欣赏经理头先主动上前带住三位视障客人就座！)
Home Cafe, 亲切友善嘅经理同大厨+一群默默耕耘努力学习嘅学员，如果大家下次咁啱喺附近，不妨上嚟帮衬吓！同时睇吓有冇缘撞见，每日午餐大多食杯面嘅我？
张贴
