影片
更多
2016-07-13
380 浏览
第一次咁晏黎食，近年延长左营业时间，生意难做，不过系好野既就无有怕啦。食客都比较少，可以舒舒服服、不急不忙、安安静静地叹碗靓面喇 ﹗都有段时间无黎帮衬，加价了 ﹗我最爱的辣椒油，只要渣唔要油，又香又辣永恒不变，最少要一碟满满的才能使我满足 ﹗新蔡润记辣椒油，唔系个个都顶得住，我就劲爱佢既香辣程度喇，每次最少要一小碟满满先够配一碗面架 ﹗介绍左比同事们，大家都非常喜欢，间中我都要帮佢地入货呢。新蔡辣椒渣两大碟，减压良方，药到病除！鱼蛋鸳鸯加底加牛腩走葱，都唔知几多年无系度食到热腾腾、出晒烟既汤面喇 ﹗经常都只系微暖，唔够热，今次劲开心 ﹗先黎当然试个汤啦，加上少少牛腩汁味，好清甜，好好饮，真系停唔到，我未试过成碗汤饮晒架，汤底超水准 ﹗鲜味、鱼味浓、弹牙既鱼蛋终于返黎喇，不枉我一直都不离不弃。我对新蔡既牛腩一向都唔多好评，今日再试，发觉佢地开始有自己既风格同味道。牛腩系瘦肉质感，不过炆得够腍，而且保留左牛肉原始鲜味，肉汁非常丰富，今次好满意，赞 ﹗Keep 住呀。鱼蛋河加底加粉肠走葱，汤底清甜够味，难得晏昼五点几仍有始味道，好少可。粉肠质数大跃进 ﹗饱满肥嘟都外形，皮层爽滑又弹牙、里面湿
新蔡润记辣椒油，唔系个个都顶得住，我就劲爱佢既香辣程度喇，每次最少要一小碟满满先够配一碗面架 ﹗介绍左比同事们，大家都非常喜欢，间中我都要帮佢地入货呢。新蔡辣椒渣两大碟，减压良方，药到病除！
鱼蛋鸳鸯加底加牛腩走葱，都唔知几多年无系度食到热腾腾、出晒烟既汤面喇 ﹗经常都只系微暖，唔够热，今次劲开心 ﹗先黎当然试个汤啦，加上少少牛腩汁味，好清甜，好好饮，真系停唔到，我未试过成碗汤饮晒架，汤底超水准 ﹗鲜味、鱼味浓、弹牙既鱼蛋终于返黎喇，不枉我一直都不离不弃。
我对新蔡既牛腩一向都唔多好评，今日再试，发觉佢地开始有自己既风格同味道。牛腩系瘦肉质感，不过炆得够腍，而且保留左牛肉原始鲜味，肉汁非常丰富，今次好满意，赞 ﹗Keep 住呀。
鱼蛋河加底加粉肠走葱，汤底清甜够味，难得晏昼五点几仍有始味道，好少可。粉肠质数大跃进 ﹗饱满肥嘟都外形，皮层爽滑又弹牙、里面湿润软棉棉 ﹗我就系要依个质数与味道喇，今次完全无任何苦涩味道，perfect ﹗好好味。鱼蛋返来喇，开心晒 ﹗鱼味浓、口感弹牙，好满足。河粉硬净滑溜，如果可以滚耐一点，棉少少就更正喇。
鱼蛋河加底加皮走葱，汤底略淡口，其实配河粉要落重少少味，因为河粉会冲淡味道。鱼蛋满意地鲜弹爽滑，咸香宜人带肉汁。硬身连肉炸鱼皮放汤后吸尽汤底精华，又脆又甜又香口，好味道。一大羹辣椒油只系紧紧够我送河粉乍，对鱼蛋鱼皮会好唔公平，佢地会唔开心架，当然要 refill 啦 ﹗两羹刚刚好，香辣无比、汗水微渗，河粉挂上大量辣椒肉而染得红红，大大啖不停吸啜，真系刺激又美味 ﹗
鱼蛋鸳鸯加底走葱，鱼蛋几好食㖞，有鱼味、唔算太腍、都微微爽口，免强满意啦，当然唔能够同以前比啦。汤底香浓美味，配埋滑溜河粉及咽韧熟面，正呀 ﹗仲有我最爱既辣椒油，又香又辣，一大羹满满的刚好送一碗面。招牌自家制辣椒油，香辣无穷，够刺激 ﹗我经常都话，粉面只不过系配角，真正主角系辣椒油 ﹗
我绝对一滴都唔会浪费，全部啪晒落肚架 ﹗非凡惹味，香辣非常，美味极致 ﹗饮啖靓汤送粒鱼蛋，质数稳定几好味，继续努力呀 ﹗汤底清甜，鱼蛋味浓有点爽弹，满意。熟面卷著河粉夹埋鱼蛋冲入口，多种味道与质感碰撞，十分美味。
鱼蛋鸳鸯加底加皮走葱，可遇不可求的热腾腾香浓汤底，久违了 ﹗失散多年既新蔡弹牙鱼蛋居然重现系我碗中，会否又是昙花一现？鱼蛋鲜甜鱼味浓郁，又弹又爽，希望您真的是回来了 ﹗靓鱼蛋返来了 ﹗鱼味浓而口感弹牙，咸香飘飘，好好味。汤底香浓热辣辣，再配埋滑溜河粉同咽韧熟面真系无得顶 ﹗加埋自制秘传辣椒油，真系食极都唔够呢 ﹗
熟面咽韧、河粉滑溜，已没什么要求。炸鱼皮一定要浸汤食，索尽汤汁精华，半脆半软又松化 ﹗鱼皮香脆，留到最尾先食，索埋汤汁，半脆半腍美味极致。弹牙熟面混上棉滑河粉夹著香甜汤汁加埋大量辣椒肉，那有不好吃的可能 ﹗无投诉，超水准表现，非常满意 ﹗清得干干净净，全部食晒连汤汁都饮到一滴不漏依然唔够喉呀，好有添食冲动 ﹗食一碗真系唔够喉呀，要忍忍口先得 ﹗
鱼蛋鸳鸯加底加腩走葱，师傅心情大好，水准无甩拖，好好味呀 ﹗汤底香甜浓郁又热辣辣，河粉棉滑、面质咽韧，温度刚刚烫嘴非常重要，特别好食。鱼蛋实净鱼味浓富弹性，牛腩炆得软棉多汁又入味，好满意。
自家制辣椒油，我爱净食渣，要渣唔到油，添一点豉油，够香够辣有咸香 ﹗一羮免强够送碗细面啦，但加底一定要两羮先满足到我。因为新蔡辣椒油劲正，完全忍唔到口，辣能使你感觉开心一点！鸡汤底加上腩汁真系别有一番风味，仲想添食多一碗，但要节制下啊，已经变左肥佬了 ﹗
心里挣扎左好耐，样样都想食 ﹗又想牛腩、又想粉肠，但系 order 鱼蛋鸳鸯加底加腩加肠加皮好似夸张得滞，叫个净牛腩又好似太多，最后都系食返例牌啦，哈哈 ﹗一羮辣椒油系唔够送一碗面架，我要两大羮先满足到 ﹗加左辣椒油既汤更惹味，饮到停唔到口，全部都要饮晒落肚先得。好好味，有质数，赞呀 ﹗
汤底香浓又够热，鱼蛋质地微弹带鱼鲜味，牛腩炆得够腍入味，不鞋不硬带肉汁。河粉滑溜、熟面咽韧弹弹，Good ﹗当然唔少得我最爱既辣椒油啦，淋上大量辣椒肉系粉面度，再大啖啜入口，爽到震。师傅唔太忙既时间系煮得特别好食既 ﹗
鱼蛋鸳鸯加底加皮加腩走葱，想食好多好多河粉，但又想食熟面，最后都唯有照旧食鸳鸯 ﹗汤底最紧要够热及刚刚烫嘴，浓郁香甜，正呀 ﹗粉河棉滑、熟面咽韧，一次过啪入口真系多重享受，唔洗五分钟倒晒落肚喇，不过当然始终唔够喉啦 ﹗鱼蛋回覆弹牙而鱼味香浓，好美味 ﹗
鱼皮炸到香口卜卜脆，让她索饱汤汁，外软内脆，正到震。牛腩碎，细细旧，而且口感较鞋，不过味道同肉汁就唔错。自家辣椒油系我既主菜黎架 ﹗啖啖辣椒渣同粉面捞埋一齐，好刺激 ﹗新蔡辣椒油香辣无比，劲辣呀！
鱼蛋鸳鸯加底加肠走葱，辣椒油才是主角 ﹗鱼蛋唔错唔错，鱼味浓厚充满弹性，粉肠够滑又够弹，香甜无比。汤底热烫烫，好味道 ﹗
新蔡润记辣椒油
7 浏览
0 赞好
0 留言
鱼蛋鸳鸯加底加牛腩走葱
8 浏览
0 赞好
0 留言
鱼蛋河加底加粉肠走葱
27 浏览
0 赞好
0 留言
鱼蛋河加底加皮走葱
17 浏览
0 赞好
0 留言
鱼蛋河加底加皮走葱
11 浏览
0 赞好
0 留言
鱼蛋河加底加皮走葱
7 浏览
0 赞好
0 留言
新蔡润记辣椒油
4 浏览
0 赞好
0 留言
鱼蛋鸳鸯加底走葱
7 浏览
0 赞好
0 留言
新蔡润记辣椒油
6 浏览
0 赞好
0 留言
鱼蛋鸳鸯加底加皮走葱
0 浏览
0 赞好
0 留言
鱼蛋鸳鸯加底加皮走葱
2 浏览
0 赞好
0 留言
鱼蛋鸳鸯加底加腩走葱
1 浏览
0 赞好
0 留言
鱼蛋鸳鸯加底加腩走葱
2 浏览
0 赞好
0 留言
鱼蛋鸳鸯加底加腩走葱
2 浏览
0 赞好
0 留言
鱼蛋鸳鸯加底加皮走葱
13 浏览
0 赞好
0 留言
鱼蛋鸳鸯加底加皮走葱
10 浏览
0 赞好
0 留言
鱼蛋鸳鸯加底加皮走葱
9 浏览
0 赞好
0 留言
鱼蛋鸳鸯加底加皮加腩走葱
5 浏览
0 赞好
0 留言
鱼蛋鸳鸯加底加皮加腩走葱
6 浏览
0 赞好
0 留言
新蔡润记辣椒油
22 浏览
0 赞好
0 留言
鱼蛋鸳鸯加底加腩走葱
19 浏览
0 赞好
0 留言
鱼蛋鸳鸯加底加粉肠走葱
5 浏览
0 赞好
0 留言
鱼蛋鸳鸯加底加粉肠走葱
1 浏览
0 赞好
0 留言
张贴
