煌宴酒家

营业中

休息中

记得有一期超钟意食乳猪，当时一瘾起就去太兴整返个乳猪饭，超级好味，实有保证。近期再去太兴已经唔再做乳猪饭/例牌，要食就要早几日订，要订仲要系订一只。唯有附近巡吓睇下边度仲有得买喇。行过呢间煌宴，睇到外卖烧味有乳猪😍😍😍乳猪有得拣一只/半只/四份一只咁买，人少少买住四份一只试试味先。买之前都系窗口问定师傅先，系咪有得买四份一只，同埋最重要嘅系啲乳猪够唔够脆🤣🤣师傅话：梗系脆～好，有呢句我就放心。呢度就系四份一只嘅份量，承惠$188啲脆猪都算长同大件，个皮敲落都卜卜声，系脆嘅。啲乳猪肥瘦都均匀，啲肥系爽口嘅。原本望落觉得唔系好多，但用黎加𩠌呢个份量够晒皮。食几件都已经好饱肚。一望个外卖袋底下啲乳猪酱多到浸C你。😝😝😝其实两至三包都已经够晒数。仲有啲烧味外卖双拼都几抵食。下次瘾起可以试下呢间乳猪饭先，$58好似好抵食。以今日呢个水准都可以再回头。