叁去壹點心粉麵飯 (已結業)

早排睇电视讲过呢间小食店老板个个对食物都好有heart，于是今日同老婆黎试下。两个人黎到见门口有人系到等，以为系等紧位原来系等外卖。入去见有位于是搭台坐低，小店完全无装修可言，而且都好旧，不过黎食野嗟，最紧要野好食。于是去入口旁攞点心。叫左排骨、鸡扎、马拉榚、虾饺、叉烧肠同后加左碟干牛河。先讲排骨，排骨用既系新鲜货，味道同出面食到既好唔同，反而有D似自己企屋整既味道，应该系少左师傅之故。鸡扎虽然唔系老法用猪肚而系芋头，不过鸡好滑，冬菇亦好入味，芋头我唔食既。马拉榚好松软，好味又唔太甜。虾饺我系其他地方好少叫，因为动不动就系特点，贵得黎又唔好食。呢到既虾饺比出面细只少少，但皮较有弹性唔易破，虾爽口。叉烧腿老婆至爱，加埋甜豉油好味。后加个炒牛河攞黎热辣竦，芽菜条条都炒到好爽口，牛肉唔会好多粉，河粉亦沾满豉油，味道唔错。虽然地方好细，坐得好迫下，但个个老板招呼都好好，埋单仲唔使一百蚊，抵到烂。希望呢D有热诚既小店能够生存落去啦。