甜公館

营业中

休息中

今日同男朋友纪念日，食完晚饭谂住食个糖水庆祝下。见佢新开张，环境都几靓，就谂住试吓。我仲要减紧肥，几个月先得一次嘅甜品quota就咁浪费咗。我地叫咗一个Tiramisu，自己屋企整仲好食，啲手指饼淋又太淋，硬又硬过我条命，浸咖啡求其掂下就算，男朋友第一次食嘢食到黑面🥹一个唔好食嘅Tiramisu，加一球雪糕，就收$70…跟住叫咗一个栗子甜品，上面系一啲栗子蓉，下面系抹茶雪糕，完全系想像到嘅味道，幅相有粒栗子，但嚟到货不对板，仲要唔好食。个份量系细过我只手掌心，咁样收我$62！我都唔想比差评㗎，你估打咁多字好好玩啊，要200字先有一个差评🤣 唔会再帮衬。男朋友第一次食到咁唔开心 🤣🤣