大壹冰室 (已結業)

之前路过见多人排队无试。碰巧上周六下午茶路过只有两个人排，等咗一阵就有位啦。因为我是一个人的缘故，起初坐在四人位，旁边的两个人差不多埋单，我见有些二人枱离枱，我未点菜，于是问侍应是否要调位，免得食食下要我走位... (一个人食嘢好多时就系咁...) 佢话唔驶，咁我就照坐。点知到份餐到咗时，真系要我调去二人位，我同侍应讲我之前都讲咗啦！！不过我都好合作调位，下一次就安排好啲，免得要客人食食下走来走去。先讲讲环境，装修有点特色，座位主要是卡位，灯光有点昏暗的，倾计食下嘢好似唔错...... 但墙边好大块剥落！？讲番主要的嘢，就系食物。下午茶选择颇多我点咗一份朱古力蛋白西多。从餐牌看来颇吸引的。可是送来的是这个样......没想过会炸到咁㶶，卖相好差，而且十分油，每件都好多油。也因为分开一件件来炸，更加吸油。厨房可以做好啲先吸下油才上碟吧。即磨咖啡味道还可以。总体这个价钱来说，环境OK，食物则太差了。