老鳳冰室 (已結業)

近排有间冰室好hit，话好怀旧好好食，好，就慕名而去啦。去到，个铺面系几靓嘅，够怀旧。咦！望真啲，有好多残体字隐藏喺附近！无论系装饰定摆设都唔少残体字啰！装饰摆设方面，咁揸流摊，唔合格！座位比较逼，都预咗，不抱期望。店员见我地一行四人，就俾咗4份menu我哋，心谂:服务唔错㖞。点知，幻想喺几分钟后被打破！另一个疑似高级啲嘅(衣着casual啲，讲嘢大声啲，好似话得事咁)店员，冲过尼，话我哋做咩攞哂佢啲menu，我哋枱都有两份摄咗喺隔篱(意思系话我地唔睇自己𠮶两份，去攞隔篱枱𠮶四份)。我哋答返佢: 唔系我哋攞，系你啲同事俾我地，佢竟然完全冇理我哋，就咁gut完我地就走咗去🤯事件告一段落，见佢猪手唔算贵，就order咗。尼到，个样普普通通，冇乜特别。猪手都食得落口嘅，但个薯茸就真系不了！上枱已经干到裂，食落质地奇怪，好似摆咗好耐咁...味道亦不滞，似系开粉整嘅薯茸...杯冻奶茶亦唔好饮，完全配唔上冰室二字！装饰虚伪，服务差劲，食物一般，三个字: 冇下次！