君蘭餅店 (已結業)

返工每日转西铁线嘅时候都会经过，香喷喷嘅烤酥皮味真系好吸引，而且舖面个柜摆满各式酥皮包点、蛋挞同葡挞，好目不暇给。今日终于帮衬、买咗一个咖喱鸡角+一个葡挞。返到屋企用个气炸锅加热，可以令到酥皮同葡挞皮变回香脆。加热2分钟左右，啱啱够暖，咖喱角感觉香脆，但系一咬落去角位嘅位置，好硬，应该系酥皮搓得厚同折得唔好啩，除咗个角位其他部位嘅酥皮都正常口感，不过牛油香欠奉。个咖喱角Size 大过我手拳，但系馅食到尾先得少少。啲馅好似咖喱粉加盐，真系得咖喱嘅香味同颜色，简直系冇调味，味道就完全超咸同一丁点咖喱味道都唔似。话就话咖喱鸡，完全食唔到一粒鸡肉，薯仔就有一、两粒咁啦。葡挞系大佬食，佢话个挞皮超差，蛋方面又淡又硬，佢仲话家乡鸡嘅葡挞好食过呢个100倍....叫我唔好再买。总结真系难食到一个点。